Sekreterê Pêroyî yê PDK-Î (Partîya Demokrat a Kurdistan a Îranî) Dr. Abdurahman Qasimlo 13ê Temmuza1989 de paytaxtê Awusturya Vîyana de Mesulê Karanê Teberî yê PDK Ebdulla Qadirîzade û Dr.Fazil Resûl dir pîya hetê îstîxbaratê Îranî ra yew otele de ameyê qetilkerdiş.

Dr. Abdurahman Qasimlo û hevalê xo wexto ke dîplomatê Îranî dir kombîyayîş kerdêne hetê casusanê Îranî ra rastê komployêk amê û amê kiştene. Çi heyf ke Dewleta Awûstûrya derheqê nê qetlîamî de dewa û tehwîqatê anêkerda.

Dr. Abdurahman Qasimlo, sîyasetmedar, ronşvîr û dîplomatêko welatperwer bi.

Dr. Abdurahman Qasimlo hetêk ra zî pêşmerge û rayverêko bi tecrube û ercîyaye bi. Merdişê ey tena seba PDK ney seba heme Kurd û Kurdistanîyanê dinya qeybêk bi.

Dewleta Îranî bi qetilkerdişê Qazî Muhammed, Dr. Abdurahman Qasimlo û Dr.Sadiq Şerefkendî kerda ke têkoşînê azadîya şarê ma yê Rojhilatê Kurdistanî bifetisno. La tu komplo û qetlîam nêeşkayê vernîya têkoşînê azadîya şarê ma bigîro.

A payraga ke Pêşewa Qazî Muhammedî teslîmê Mele Mistefa Barzanî kerda ewro zî Rojhilatê Kurdistanî de destê pêşmergeyanê qehremanan de ya. Bayraga Kurdistanî heme perçeyanê Kurdistanî de seba azadî û xoserîye têraşîyena.

Dr. Abdurahman Qasimlo û heme şehîdê Kurdistanî, têkoşînê heme şervanê qehreman û kedkarê dewaya azadî de ciwîyenê.

Ma serrgêya şehadetê înan yê 33inî de, Dr. Abdurahman Qasimlo û hevalanê ey bi hurmet yad kenê û bi nê minasebetî ra reyna dewleta Îranî şermezar kenê.

13.07.2022

Buroya Çapemenî û Têkilî ya PAKî