Ewro serrgêra hêrişê DAIŞî ya 8. a. Terorîstanê DAIŞî 8 serrî verî Şingal û dermeleyê ey de Kurdanê Êzidîyan rê qetliam kerdbî.

Roja 3ê Tebaxa 2014î de, terorîstanê rêxistina DAIŞî eştbî Şingal ser û hezaran welatiyê sivîlî ê Kurdê Êzidî kiştbî. Terorîstan hezaran kêna, cinî û domanê Êzidî zî êsîr girewtbî.

Rîyê nê hêrişî ra seyan hezar şarê ma yo Êzidî mecbûr mend ke ca û wareyê xo caverdo û koç biko.

Birîna jenosîdê Şingalî yo ke waye û birayanê ma yê Kurdanê Êzidîyan rê virazîya akerde, birînêka xorîn û zerrîya heme Kurd û Kurdistanîyan de ya.

Heta nika zî xeylê kêna û cinîyê Kurdê Êzidî destê DAIŞî de yê û vindîbîyayî yê.

Heta nika zî gelek şarê ma yo ke mecbûr mendo Şingal terk biko, peyser anêgêrayo erdê xo ser.

Parlamento û Hukmatê Herêma Kurdistanî gere seba piştişê birîna waye û birayanê ma yê Kurdanê Êzidîyan programêko taybet hadre biko û bîyaro ca.

Bi çimdarîya Netewê yewbîyayî, goreyê peymana ke mabênê Baxda û Hewlêrî de ameya îmza kerdene way û birayê ma yê Êzîdî eşkayêne agêrê Şingal. La Heşda Şahbî û YBŞ nêverdêne wa na peymane bica bêra. Ganî Netewê Yewbîyayî Baxda ca de hukmanê na peymane bîyarê ca ke wa way û birayê ma yê Êzîdî bieşkê agêrê Şingal.

Ma vengdayîşê Netewê Yewbîyayî rê diken wa jenosîdê Kurdanê Êzidîyan bi fermî hetê Netewê Yewbîyayî ra bêro ro qebûlkerdiş.

Ma sergêra jenosîdê Şingalî yê 8î de reyna jenosîdo ke Kurdanê Êzidîyan rê virazîyabi şermezar kenê û ma heme şehîdanê nê jenosîdî bi hurmet yad kenê.

03.08.2022

Buroya Çapemenî û Têkilî ya PAKî