PAK (Patîya Azadiya Kurdistanî), Rojavayê Kurdistanî  de qerarê Rayberîya Xosere yê qedexekerdişê karê Rûdawî şermezar kerd.

Aşkereyîya PAKî wîna ya:

Ma Rojavayê Kurdistanî de qedexekerdişê Rudaw TVyî protestokenê

Rayberîya Xosere Rojavayê Kurdistanî de xebatê Rudaw TVyî  vindarna, qedexe kerd.

Nê qerarê Rayberîya Xosere astengkerdişê heqê azadîya çapemenî yo,  çînekerdişê demokrasi yo.

Rayberîya Xosere, warê  azadîya çapemenî û  resnayîşî de, demokrasî û azadî de, ganî xo rê hişmendî,  sîyaset  û kerdenanê rejîmê Esadî, Dewleta Îranî û Tirkîya sey nimûne nêgîro.

Rayberîya Xosere, ganî  prensîbê hemdem, azadîwaşt, demokrat yê mîyanneteweyî yê derheqê azadîya çapemenî û demokrasî de xo rê esas bigîro.

Ma Rojavayê Kurdistanî de qedexekerdişê Rudaw TVyî protesto kenê.

Ma veng danê Rayberîya Xosere ke wa ca de qedexeyê ser Rudaw TVyî wedaro.

07.02.2022

Buroya Çapemenî û Têkilîye ya PAKî