Roşanê Çarşemeyo Sûr mîyanê roşananê Kurdanê Êzidîyan de roşano tewr pîl o.

Kurdê Êzidî tira bawer kenê ke gorê serrnameyê verênî, çarşemeyo yewin yê aşma nîsane de virazîyayîşê kaînatî temam bîyo û cuyayîş dest pêkerdo. Coka zî na roje sey Roşanê Çarşemeyê Sûrî, sey Roşanê Sersalî pîroz kenê.

Dînê Êzidîtî Kurdistan de dînanê kehenan ra yewêk o. Roşanê Çarşemeyê Sûrî yê Kurdanê Êzidîyan wayîrê taybetmendiyêka dînî, kulturî, komelkî û tarîxî yo.

Mîyanê tarîxî de way û birayê ma yê Kurdê Êzîdî rîyê nasnameyê xo yê dînî û neteweyî ra raştê zaf qetlîam û hêrîş û çînebîyayîşan ameyê, la înan çi rey fek ziwanê Kurdî, fek nasnameya xo ya dînî, kulturî û Kurdewarî ra veranêda.

Roşanê Çarşemeyê Sûrî yê Kurdanê Êzîdîyan de ma venga heme Kurdanê Kurdistanîyên û dinya danê ke wa vera zulm û neheqî û hêrîşanê ser Kurdanê Êzidîyan vinderê û rayîr nêdê ke wa tu kes û hetêk înan rê neheqî biko.

Ma bi hîs û vîr û bawerî û hişmendîya xo ya neteweyî û niştimanî Roşanê Çarşemê Sûrî , Roşanê Sersalî yê way û birayanê xo yê Kurdanê Êzidîyan pîroz kenê.

19.04.2023

Buroya Çapemenî û Têkilîye ya PAKê