"Sereka Pêroyî ya İyi Partî Meral Akşener roja 28.10.2021de qezaya Sêrtî Misirc (Kurtalan)de esnafî zîyaret kerdbî.

Demê zîyaretî de esnafo bi nameyê Cemil Taşkesenî Meral Akşener rê wina vatbi ‘’Ziwanê ma, nasnameyê ma yo Kurdî yene înkar kerdene. Tîya Kurdistan o. Meclîsa Tirkîya de Kurdistan yeno înkar kerdene’’.

Nê vatişanê Cemîl Taşkesenî ser o Serdozgerîya Cimhûrîyetî ya Kurtalanî bi îthamê ’‘propagandaya rêxistina terorî kerdo’’ derheqê Cemîl Taşkesenî de tehqîqat da dest pêkerdene û Cemîl Taşkesen hetê polîsan ra ameyo destbend kerdene.

Tu eleqeyê nê vatişanê Cemîl Taşkesenî bi propagandaya ‘terorî’ çin o.

Cemil Taşkesen rastîya nasnameyê Kurdî, ziwanê kurdî û rastîya Kurdistanî îfade kerdo. No çerçiwaya azadîya fikrî de heqêko meşrû yo.

Ma destbendkerdişê Cemîl Taşkesenî şermezar kenê û ma vanê ganî ca de Cemîl Taşkesen serbest bêro veradayîş.

Ma venga heme partîyanê sîyasî, Baroyan, dezgeyanê sivîlî, pawitoxanê azadîya fikrî û venga heme şarê xo danê ke, wa wayîrê Cemîl Taşkesenî vejîyê."

29.10.2021

Buroya Çapemenî û Têkilîye ya PAKî