Merkezê Xeberan- Partîya Azadîya Kurdistanî (PAK): Ma tepişyayîşê Nuştox, sîyasetmedar, roşnvîro Kurd Fûad Onenî şermezar kenî û wazenê wa Fûad Onen ca de serbest bêro varadayene

“Nuştox, sîyasetmedar, roşnvîro Kurd Fuad Onen roja 05.02.2020î Stenbol de hetê polîsan ra ame tepiştene.

Fûad Onen seba tayn beyanat û parekerdişê xo yê ser sosyal medya bi ‘’propaganda kerdişê terorî’’ yeno sûcdarkerdene. Gorê zanayîşê ke amê girewtene, Fûad Onen do roja 06.02.2020î vejîyo mehkema ver.

Tepişyayîşê Fûad Onenî, hetêk ra binpaykerdişê azadîya fikrî yo hetêk ra zî vernîgirewtişê xoîfadekerdişî yo. Dewleta Tirkîya nê serranê peyênan de bi xususî zî derheqê kesê ke meselaya Kurd û Kurdistanî de fikrê xo îfade kenî de hîna zêde tehqîqat akena û ceza dana.

Ma tepişyayîşê Nuştox, sîyasetmedar, roşnvîro Kurd Fûad Onenî şermezar kenî û wazenê wa Fûad Onen ca de serbest bêro varadayene.”

05.02.2020

Buroya Çapemenî û Têkilîye ya PAKî