Beyanatê PAKî (Partîya Azadîya Kurdistanî) de wîna ame vatiş:

Ma welatperwerê Kurd Simkoyê Şikakî  (Simayîl Axayê Şikak) Bi Hurmet Yad Kenê

Simkoyê Şikak  (Simayîl Axayê Şikak) serekanê serhewanayîşê miletê Kurd yê Rojhilatê Kurdistanî ra yew bi.

Simayîl Axayê Şikako ke sey Simkoyê Şikak yan zî Simko Axa yeno naskerdiş, 90 serrî verê cû bajarê Şino yê Rojhilatê Kurdistanî de bi qerarê Şahê ê wextî yê Îranî Riza Şah ra hetê hêzanê Dewleta Îranî ra ame şehîd kerdiş.

Simayîl Axayê Şikakî serra 1887î de Urmîyeya Rojhilatê Kurdistanî de ameyo dinya. Lajê Mihemed Axayî serekê hoza Şikak o.

Simko Axayê Şikak, seba qezenckerdişê heqanê netewî yê milletê Kurd serra 1905î de vera Dewleta Îranî şerêko netewî da dest pêkerdiş. Serehewanayîşê Simko Axayî nêzdîyê 25 serrî dewam kerd û nêzdîyê %50 erdê Rojhilatê Kurdistanî destê Dewleta Îranî vet û girewt bînê kontrolê xo û rayberîyêka taybete awan kerd.

Simkoyê Şikak 25 serrî serehewanayîşê xo de, rastê xeylî serkewtiş û şikîyayîşan ame. Tewr peynî wexto ke fehm kerd hukmatê Îranî eşkeno serehewanayîşê ey bişikno, Simko Axa şi hetê Başûrê Kurdistanî. Wextêk badê cû Dewleta Îranî semedê mizakere û diyalog veyna ey, 21ê Temuza 1930î de Simko Axa şi bajarê Şino û  uca de bi planê Riza Şahî hetê hêzanê Dewleta Îranî ra ame şehîd kerdiş.

Ma serrgêra şehîdbîyayîşê ey a 90ine de, serekanê serehewanayîşê  Rojhilatê Kurdisranî ra yo tewr pîl, welatperwero kurd Simko Axayê Şikakî  û heme şehîdanê Kurdistanî bi hurmet  yad kenê.

Buroya Çapemenî û Têkilîye ya PAKî