PAK (Partîya Azadîya Kurdistanî):

Sîyasetmedaro Kurd Mahmut Alinak semedê tay nuşteyanê xo û semedê beyan kerdişê fikranê xo muhakeme beno.

Mehkeme bi waştişê cezaya hepsî ya muebedî (cezaya heta heta) Mahmut Alinakî rê dewa akerda. Mehkeme do ewro (13.05.2020) biba. 

Semedê nuşte û beyanatê Mahmut Alinakî, Serdozgerê Mehkeme ey bi ‘’Rijnayîşê yewitîya dewlete, perçe kerdişê erdê Dewleta Tirkîya, zeîfkerdişê xoserîya dewlete’’ sûcdar keno.  Serdozgerê Mehkeme hetêk ra zî vano,  ‘’Mahmut Alinak, wazeno qismêk yan zî pêroyê erdê Dewleta Tirkîya bivisno bînê desthilatdarîya dewletêka xerîbe’’. 

Mahmut Alinak, Netewê Yewbîyayî rê nuştbi û vatbi ‘’Wa Kurdkî û ziwanê bînî ê mezlûmî zî sey ziwanê Tirkî bêrê sewîyeyêka seypê’’. Seba nê beyanatê ey Serdozgerê Mehkeme Mahmut Alinakî bi ‘’endamtîya rêxistina terorî’’ sûcdar keno.

Mahmut Alinak, seba ke eleqa bianco kesanê feqîr û desttengê ke çopan ser o kaxiz û çîyanê bînan arêdanê, şibi verê înan û înan rê ardim kerd. Seba nê çîyan Serdozgerê Mehkeme Mahmut Alinakî bi ‘’endamtîya rêxistina terorî ’’ sûcdar keno. 

Mahmut Alinak, nuşteyêkê xo de behsê ‘’Kurdistanî ’’ keno. Seba ke  Mahmut Alinak behsê Kurdistanî kerdo, Serdozgerê Mehkeme ey bi ‘’endamtîya rêxistina terorî ’’ sûcdar keno. 

Mahmut Alinak vera tayîn kerdişê qeyûman vejyayo û vato ‘’Tayîn kerdişê qeyûman nîşanê sîyasetê faşîzan ê dewlete yo’’. Semedê nê vatişanê Mahmut Alinakî, Serdozgerê Mehkeme vano  ‘’ Mahmut Alinak Serekkomarî rê heqeret kerdo û Dezgehê Dewlete qij nîşan dayo’’. 

Belê,  Mahmut Alinak, seba nuşteyanê xo, seba îfade kerdişê fikranê xo, seba xebata xo ya sîyasî ya aştîyane,  bi ‘endamtîya rêxistina terorî ’’ yeno sûcdar kerdene. Û seba ney zî Serdozgerê Mehkeme cezaya hepsî ya muebedî ci rê wazeno. 

Na dewya ke derheqê  Mahmut Alinakî de  ameya akerdiş, binpaykerdişê azadîya fikrî ya, binpaykerdişê heqê xebata sîyasî ya aştîyane ya. Na dewaya ke derheqê  Mahmut Alinakî de ameya akerdene, binpaykerdişê soznameyê Navnetewî yo ke Dewleta Tirkîya îmze kerdo yo û vera heqanê merdiman o. 

Seba ke Mahmut Alinakî vato ‘’Wa Kurdkî û zimanê bînî ê mezlûmî zî sey ziwanê Tirkî bêrê sewîyeyêka seypê’’, Serdozgerê Mehkeme seba ey cezaya hepsî ya muebedî waşta. Muhakeme kerdişê waştişêkê hende însanî û meşrû, eslê xo de sûcekê vera merdimatî yo. 

Na dewaya ke derheqê Mahmut Alinakî de ameya akerdiş gere betal biba û Mahmut Alinak gereke ca de hepsxane ra bêro veradayîş. 

Bi na wesîle ra ma reyna em veng danê ke, ganî heme hepsîyê ke rîyê nuşteyanê xo ra, seba beyan kerdişê fikranê xo û seba xebatanê xo yê sîyasî hepisxaneyan de yê, ganî ca de bêrê veradayîş û heme dewayê bi no qayde bêrê betalkerdiş.

13.05.2020 

Buroya Çapemenî û Têkilîye ya PAKî