Buroya Çapemenî û Têkilîye ya PAKî: Meseleyê mabênê Filistînî û Îsraîlîyan ganî bi rayê aştîyane bêrê çareser kerdene.

"Meseleyê mabênê Filistîn û Îsraîlî de, Rojhilatê Mîyanênî de birîna nêqefilayî ya.

Na mesele û pêrodayîşî heta niha bîyê sebebê kişyayîşê hezaran kesan; bîyê sebebê neheqî û têmîyanbîyayîşan.

Nê çend rojîyê ke, newe ra mabênê Filistînî û Îsraîlîyan de alozî û şer esto. Û sey her wextî newe ra ziraro tewr pîl zî, her di hetan ra gineno şarê sîvîl û ca û warêyê dînî yê bimbarekî ro.

Tecrubeyê Filistînî û Îsraîlîyan yê heta ewoyî û rastîya her di miletan zî îspat kerdo ke, na mesela encax mase ser o û bi rayê dîyalogî bêra çareser kerdene.

Semedo ke hîna zede şaro sivîl nêro kiştene, ma venga Netewê Yeewîyayî (UN) danê ke cade midaxaleyê nê alozîyan biko.

Ma venga şarê xo yê her çar perçeyanê Kurdistanî danê ke wa nêrê kayanê tay dewletanê xêrnêwazan, êyê ke şer û kiştiş û alozîyanê mabênê Filistînî û Îsraîlîyan de xorîn kenê û wazenê bi no qayde uca de şer bidomînê. Heto bîn ra dewletê sey Tirkîya û Îranî wazenê bala şarê ma zilm û zordarîya ke şarê ma ser o beno bidê problemanê bînan û wazenê rojdemi bibedilnê; ganî şarê ma agahdar bo ke nêbo alet û malzeme yê sîyasetê nê dewletan.

Ma venga her di hetan danê ke zirar nêdê şarê sivilî, ca û wareyanê dînî yê bimbarekan û bi rayê aştîyane, bi rayê dîyalogî meseleyanê xo safî biko.

Meseleya Filistînî û Îsraîlîyan, bi rayê dîyalogî û ser esasê qebûl kerdişê estbîyayîşê Dewleta Îsraîlî û Dewleta Filistînî û yewbînan rê hurmet kerdiş eşkena bêra safî kerdene."

12.05.2021

Buroya Çapemenî û Têkilîye ya PAKî