PAK, PDK-BAKUR, PÊLKURD, PSK, TEVGERî minasebetê serrgêra Referandûmê Xoserî ya 4ine ra roja 25.09.2021 de Cemîyetê Rojnamegeran yê Amedî de kombîyayîşê çapemenî tertîp kerd.

Destpêkê kombîyayîşê çapemenî de, Serekê Pêroyî yê PSKyî Mesut Tekî, bixeyr ameyîşê temsîlkaranê çapemenî kerd û bale ant muhîmîya referandûmê xoserîye ser.

Paşê, Serekê Pêroyî yê PAKî Mustafa Özçelikî nameyê PAK, PDK-BAKUR, PÊLKURD, PSK, TEVGERî ser o beyanato wertax wend:

Referandûmê Xoserîye yê netîceyê ey meşrû yê û ma ewro zî desteg danê ci

Roja 25ê êlûla 2017î de bajarê ke girêdayîyê Rayverîya Herêma Kurdistanî yê (Hewlêr, Silêmanîye, Dihok û Helebçe) û qezayanê bînan ê Vaşûrê Kurdistanî, êyê ke babeta madeyê 140ine yê de, referandûmê xoserîye yo meşrû, bi hawayêko demokratîk virazîya.

Beşdarîya referandûmî %72 bi û %92.73 şarê ma referandum de xoserîya Kürdistanî waşt.

Seke yeno zanayîş Amerika , Rûsya, Ewrûpa û gelek dewletê dinya waştbî wa referandum bêro taloqkerdene.

Dewletê sey Tirkîya, Îran, Iraq û Sûrîyeye zî hetêk ra referandum qebûl nêkerdî hetêk ra zî seba ke wa referandum nêbo çi destê înan ra ame kerdî û sey ortaxan pêro -pîya vera referandumî vejîyay.

Li gel neteweyê kurd, hemû şarê Vaşûrê Kurdistanî tehdît bi, rastê zorî û hêrişan ame, teber û zere ra planê qilêrinî virazîyay. La şarê ma bi cesaret, biqerar û bi bawerîyêka bi rûmet şi sindoqan ser û bi %92.73 xoserîye rê va ‘E’. Na helwesta şarê ma hetêk ra zî bi rayê demokratîk îlankerdişê îradeyêkê meşrû yê netewî bi.

Serrgêra Referandûmê xoserîye ya 4emîn de ma hem referandûm û hem zî netîceyanê ey bi rêzdarî silam kenê û hewna zî îlan kenê ke ma desteg danê nê îradeyê îradeyê şarê xo.

Nê hêz û hetê ke bi plan û hewl û tehdîtanê xo nêeşkay vernîya referandûmî bigîrî, bi hetkarîya qismêkê Kurdan û bi destegê Dewletê Iraq û milîsên Heşdî Şahbî roja 16ê Teşrîna Verêna 2017î de eştbî Kerkûkî ser o û madeyê 140î binpay kerdbî.

Dagirkerdişê Kerkûkî û hêrîşê 16ê Teşrîna Verêne, binpay kerdiş û çine hesibnayîşê îradeyê meşrû, demokratîk û netewî yê şarê Vaşûrê Kurdistanî bi. Ma onca dagirkerdişê Kerkûkî û dagirkerdişê qasê %45 erdê Vaşûrê Kurdistanî şemezar kenê.

Hêvî û wastişê ma partîyanê sîyasî, Hukmat û Parlamentoya Vaşûrê Kurdistanî ra no yo ke, wa îradeyê Referandûmê 25e êlûla 2017î rê wayîr vejîyê, îtîfaqê xo û yewitîya netewî xurt bikê û heme qezencanê Vaşûrê Kurdistanî rê wayîr vejîyê; hêzê pêşmerge û heme dezgeyê ke nika estê seba dewletbîyayîşî wa bibê yew û dezgeyanê neweyan ronê.

La gere ma zî Referandûmê Xoserîye yo ke 25ê êlûla 2017î virazîya rê wayîr vejime û gere ma ney sey wazîfeyêko netewî qebûl bike.

25.09.2021

- Partîya Azadîya Kurdistanî (PAK)

- Partiya Demokrata Kurdistanî -Bakur (PDK-Bakur)

- Pêlkurd

- Partiya Sosyalîste ya Kurdistanî (PSK)

- Hereketa Demokratîke ya Kurdistanî (TDK-Tevger)