PAK (Partîya Azadîya Kurdistanî):

“ENKS (Encumena Netewî ya Kurdî ya Sûrîye) û PYNK (Partiyê Yewitîya Kurdî) bi beyanatêk esasê Soznameyê Dihokî ser o pê kerdê.

Dewleta  Amerîka zî çimdarî û mîyancîtîya her di hetan kerda.

Beyanatê wertax yê ENKS û PYNK de wina ame vatene:

‘’16’ê Hezîrane de heyetê Meclisa Netewî ya Kurdî ya Sûriye û Partiyê Yewitîya Netewî ya Kurdî prosesê destpêkê diyalogê kurdî qedêna û pîya resayê fikrêko siyasî yo hempar û qerarê pêameyîşê (îdarekerdiş, hemparî, asayîş û pawitiş) Soznameyê Dihokî yê 2014î bikê bingehê pêameyîşê xo girewt û diyalogê mabênê her di heyetan de, do soznameyêko pêroyî sibarojê nêzdî de îmze bikê".

PAKî ronayîşê xo yê serra 2014î ra heta ewro, çend serrîyo ke her tim venga ENKS û TEVDEMî da ke wa esasê Peymanê Hewlêrî û Dihokî, îdarekarîyêka ortaxe ya eskerî, sîyasî, îktîsadî û îdarî awan bikê.

Ma keyfweşê ke nika PYNK û ENKS esasê Peymanê Dihokî ser o pê kerdê. No seba sibarojê şarê ma hêvî û bawerîya ma zêde keno.

Ma hêvî kenî ke, no pêameyîş warê eskerî, sîyasî, îktîsadî, îdarî, dîplomatîk, asayîş û heme beşan de xo reyde îdarekarîyêka wertaxe bîyaro û Kurdî sey hetêk têbigêrê. Seke yeno zanayîş deme peyênî de Mitabaqatê Hewlêrî û Dihokî ameybî îmzakerdene la çi heyf ke o mitabaqat nêamebi ca. Seba na rastîye zî, vengdayîş û waştişê ma PYNK û ENKS ra no yo ke, wa wayîrê nê pêameyîşê destpêkî vejîyê û bi hişmendî û yewitîya netewî heme teferûatanê binan de zî werê bêrê û nê mitabaqatî bîyarê ca.

Ma hêvî kenî ke, Amerîka û dewletê pîlî hetkarîya nê mitabaqatî bikê, do bipawê û nêverdê hetêk zerar bido ci.

Pêameyîşê PYNK û ENKSyî her sewîye û platformî de do destê Kurdan xurtêr biko.

Caardişê esasê Peymanê Dihokî reyde Kurdî do têkîlîyanê xo yê bi Amerîka, Rusya, Sûrîye, Tirkîya û Îranî û heme dewletanê Ewrupa bihêzêr bikê.

Ma sey PAKî seba nê pêameyîşê ENKS û PYNKyî înan pîroz kenî. Ma hêvî kenî ke, do heme partîyê Kurdan ê bînî zî prensîbanê netewî ser o mîyanê xo de îtîfaq bikê û do nê peymanê netewî hîna hîra û bihêzêr bikê.”

17.06.2020

Buroya Çapemenî û Têkilîye ya PAKî