Buroya Çapemenî û Têkilîye ya PAKî:

Ewro serrgêra qerarê referandûmê xoserîye ya 3’yîn a.

Roja 7ê Hezîrana 2017î, partîyê sîyasî yê Başûrê Kurdistanî bi rayberîya Serek  Mesud Barzanîyî de kom bîy û qerarê referandûmê xoserîye day.

Dewletên girdî ê dinya nêwaştbî wa referandûm bêro viraştene.

Dewletê sey Iraq, Îran, Tirkîya û Sûriya seba ke wa referandûm nêro viraştene çi destê înan ra ame kerdî.

La her çiqas zî hêrişî û tehdîtî û plan û teşebusê astengerdişî amê kerdene zî, referandûmê xoserîye roja 25î êlûla 2017î de ame viraştene.

Pêroyê Başurê Kurdistanî; Hewlêr, Silêmanîye, Kerkûk, Duhok, Helebçe, Şengal, Xaneqîn, Deşta Mûsilî bi %72ê şarê Başûrê Kurdistanî beşdarê raydayîşê referandûmê xoserîye bi.  Û bi %92.73ê beşdaran xoserîye rê vatbî ‘belê’.

Qerarê referandûmê xoserîye Parlamentoyê Kurdistanî de bi hawayêko demokratîk, meşrû ame girewtene.

Prosedurê referandûmê xoserîye bi aramî, bi metodê demokratîk ame hadrekerdene.

Netîceyê referandûmê xoserîye nîşanê yewitîya hîra ya netewî, niştimanî ya şarê Kurdistanî bi.

Şarê Başûrê Kurdistanî bê ters, bi îradeyêko beşik heme dinya ra va ‘Ez xoserî wazena’.

16yê citmenga 2017î de Kerkûk û Şengal de %45ê erdê Başûrê Kurdistanî newe ra  amê îşgalkerdene. No hêrişo ke roja 16ê citmenge de virazîya, binpay kerdiş û çîne hesibnayîşê îradeyê şarê Kurdistanî yê referandûmê xoserîye bi.

La qerarê Parlamentoyê Kurdistanî yê seba referandûmê xoserî zî, bi %92.73 ‘belê’ yê referandûmê xoserîye zî rîpelanê tarîxî de sey di qerar û netîceyê meşrû û demokratîk cayê xo yê bi rûmet girewto.

Ti kes û ti hêz do çi rey nêeşkê nê her di gamê ke îradeyê şarê Başûrê Kurdistanî îfade kenê, mîyanê rîpelanê tarîxî de reş bikê û do nêeşkê înan çîne bihesibnê.

No kilîdo ke berê sibarojê Başûrê Kurdistanî akeno, her di dest û zerrîya nê şarê bi rûmetî de yo.

Ma serrgêra qerarê referandûmê xoserîye yê hîrêyînî de, bi hurmet, bi can û bi zerrî îradeyê şarê Başûrê Kurdistanî yê ‘belê’ yê xoserîye rê wayîr vecîyenî, hetê înan kenî.

07.06.2020

Buroya Çapemenî û Têkilîye ya PAKî