PAK (Partîya Azadîya Kurdistanî) û PSK ( Partîya Sosyalîst a Kurdistanî): 

ÇAPEMENÎ Û RAYA PÊROYÎ RÊ

Demo ke ma tira vîyarene de welatê ma, herême û dinya de prosesê muhîmî qewimîyenê.

Virusê Korona demêko kilm de pêroyê dinya rê vila bîyo û pêroyê dinya tehdîd keno. Hûmara kesê ke rîyê janê Korona ra heta nika merdê bîya nêzdîyê 1 mîlyonî û hûmara kesê ke pê nêweş kewtê zî resaya 20 mîlyonî. Dinya de hetanî ewro winasî janêk nêamebi vînayîş û rîyê nê janî ra dinya de krîzêko îktîsadî esto. Rîyê janê ra bi mîlyaran merdimî betal mendî, feqîr kewtî.

Janê Korona hetêk ra pêroyê dinya girewto binê tesîrê xo û hetêk ra zî Tirkîya, Kurdistan û herême de nêtîceyê ey hîna giranêr ê. Îxtîdarê AKP herinda girewtişê tedbîran û vera virusî de mucadeleyêko hîra de, semedê pawitişê îxtîdarê xo polîtîka keno. Semedo ke hukmat vernîya vilabîyayîşê virusî nêgêno, rîyê virusê Korona ra hûmara merdeyan çiqas şina zêde bena û hîna zêde merdimî bi Korona kewenê.

Kurdistan de zî şarê ma vera virusê Korona terkê qederê xo bîyo. Semedo ke rîyê Korona ra hûmara nêweşan bîya zêde, nêweşxaneyan de hema vaje ca nêmendo, şarê ma îmkan nêvîneno ke tedawî bibo. Seke zanîyeno welatê ma de feqîrî û betalî xeylî zêde ya. Hetêk ra feqîrî hetêk ra betalî û nika zî bi mîlyonan însanê ma rîyê krîzê îktîsadî ra feqîr kewtê, betal mendê û bîyê mehkûmê feqîrîye. Ma eşkenê vaje ke, rîyê nê janî ra tehdîdêko pîl esto.

Na mesela çîyo ke bîyo kerdiş no yo ke, şarê bi rêxistinbîyayîşê xo, bi zanayîşê xo gere felaketê Korona û zerarê Korona sewîyeyêka nizme de bitepişo. Gereke şarê ma pêşnîyazê teşkîlatê weşîye û otorîteyanê zanistî bîyaro ca, gorê qaydeyanê xebitnayîşê maske, têkilîye û pakî hereket biko, cayanê qelebalixan rê dûrî vindo. Sere de Odeya Tabîban, heme dezgeyê sîvîlî û partîyê sîyasî pêro bi pîya vera Virusê Korona seferberi îlan bikê. Semedo ke wa weşîya şarî, asayîşê karî û cuye temîn bibê, ganî hukmatî ser o teda bêra ronayîş.

Her çiqas zî welatê ma û herêma binê tehlûkeyê virusê Korona de yê zî, prosesêkê winasî de hukmat çar hetan ra hêrişê Kurdan keno û vera Kurdan şerêk dayo dest pêkerdiş. Hukmatê Tirkîya ewro meseleya Kurd de politikaya nijadperestî, şowen û politikaya hêrişî domnena.

Tabelayî û îşaretê Kurdkî yenê qedexekerdene, Unîversîteyan de beşe Kurdkî çîn yenê hesibnayene, kar nêdîyeno mamosteyanê Kurdkî.

Dewleta Tirkîya reyna zaf cayanê Kurdistanî de daristanan vêşnena.

Dewayê ke seba ke nameyanê înan de Kurdistan esto, partîyanê Kurdan rê abîyê sey sey şimşêre Têgêra Netewî ya Kurd ser de şîyena têra, aktoranê Kurdan rê heqê xo îfadekerdişî, fikrîyayîşî û organîzebîyayîşî yenê wedaritene. Operasyonê eskerî Kurdistan de cuya însanan kerda sey cehennemî. Her roje Kurdistan de operasyonê sîyasî, tepiştiş û tewqîfbîyayîş estê.

Dewleta Tirkîya tena Bakûrê Kurdistanî de ney, her hetê Kurdistanî de vera Kurdan vejîyena û hêrişê her hetê Kurdistanî kena. Dewleta Tirkîya Herêma Kurdistanî de estbîyayîşê PKK xo rê kerda bahane û bi no qayde PKK zî zerar dana meşrûîyetê parlementoyê Kurdistanî.

Hêrişê Tirkîya ke Herêma Kurdistanî rê benê, êdî bîyê hereketê îşgalkerdişî. Hêrişanê eskerî de zaf merdimê sîvîlî ameyê kiştene, hezaran dewî ameyî vengkerdiş, hezaran merdimi mecbur mendî ke cayê xo ra koç bikerê. Tirkîya bi nê hêrişanê xo kena ke a mintiqa de têmîyanbîyayîşêk vejîyo û kena ke zerar bido serwerîya Herêma Kurdistanî.

Gereke nîyetê Tirkîya yê îşgalkerî û hêrişkarî rê vajîyo ‘êdî bes o’. Hukmatê Herêma Kurdistanî, aktorê sîyasî û her qismê komelî vera nê hêrişan hîna zêde vengê xo berz bikê. Hukmatê Iraqî, dewletê Erebî, Teşkîlatê NY, YE, NATO û hêzê mîyannetewî vera nê hêrişanê Tirkîya vejîyê. Dewleta Tirkîya, dewletê a herême û hêzê mîyannetewî zî, PKK û pêro hêzê eskerî hurmet nîşanê îradeyê Parlementoyê Kurdistanî û Hukmatê Kurdistanî bidê.

Heto bîn ra dewleta Tirkîya Rojavayê Kurdistanî de zî polîtîkara vera Kurdan û îşgalî domnena. Efrîno ke binê îşgalê Tirkîya de yo, uca de însanê sîvîlî yenê remnayîş û kiştiş. Dest ronîyeno mal û milkê şarî ser, erdê îna yeno talan kerdiş û diznayîş.

Semedo ke peynîya nê zulmî, dizdî û îşgalî bêra, gereke Kurdî mîyanê xo de yewitîya xo ronê.

Rojavayê Kurdistanî de mabênê ENKS û PYNK de çarçewaya mitabaqatê Duhokî yê serra 2014î de xebatê îtîfaqî benê û nê xebatî hêvî danê ma pêrune. Bê ENKS û PYNK partîyê Kurdan ê bînî zî eke mîyanê nê îtîfaqî de ca bigîrê, yewitîya netewî û demokratîke do hîna xurtêr biba. Şarê ma yê rojavayî encex do bi prensîbanê yewitî û bi destegê mîyannetewî bieşko bireso azadîya xo.

Hukmatê Tirkîya ewro Libya de, Ege de, Kafkasan de politikaya pêrodayîşî esas gêno, sebebê ci yo pîl zî no yo ke, welatê ma de hêrişê şarê ma kena û hêzê mîyannetewî tira çîyêk nêvanê, bêveng manenê. Komelê mîyannetewî û sere de Teşkîlatê Netewê Yewbîyayî gere teşebûsê Tirkîya yê îşgalkerî vindarnê.

Ma tîya ra veng danê dewleta Tirkîya ke, wa fek sîyasetê xo yê vera Kurdan ra verado û heme partîyanê Kurdan reyde rayîrê sîyasî û demokratîkî akero.

Ma veng danê PKK zî wa fek çalakîyanê xo yê çekkî ke zerar danê şarê ma ra verado.

Partîyê ma, dewleta Îranî zî semedo ke ciwananê Kurdan Rojhilatê Kurdistanî de darde kena, Rojhelatê Kurdistanî de sîyasetê îmhakerdişî kena, Başurê Kurdistanî rê mudaxeleyê eskerî kena, uca rê hêriş kena, şermezar kena.

Heme bîyayîşê ke dinya û herême de benê, safîkerdişê meseleya Kurd û Kurdistanî ferz kenê.

Heta ke miletê Kurd azad nêbo, welatê xo Kurdistanî de xo bi xo bi azad îdare nêkero, herêmae de aşitî û demokrasi peyda nêbenê.

Şarê ma do bi zanayîş, bi tecrube û mucadeleyê xo yê tarîxî, heta ke azadîya xo qezenc biko têkoşînê xo dewam biko.

Seba naye wazîfeyo pîl keweno milê hêzanê demokratik û netewî yê Kurdan ser. Her çî ra ver gere her peçeyanê Kurdistanî de hêzê weltperwerî hêzanê xo bîyarê têhet. Her hetê Kurdistanî de seba pawitişê qezencanê ewroyî, seba azadî û hetkarî sîyasetêkê netewî awan bikerê.

Bêhêvîtîye rê ca çin yo.

Ma do serbikewe.

18.08.2020

PAK (Partîya Azadîya Kurdistanî)

PSK ( Partîya Sosyalîst a Kurdistanî)