“Vîrusê Corona sey janêk (epîdemiyêk) bîyo sebebê merdişê hezaran tenan û roje bi roje vila beno.

Semedo ke vernîya vilabîyayîşê nê janî bêra girewtiş, lazimîya hemkarîya netewî û mîyannetewî her roje hîna zêde xo nîşan dana.

Tedbîrê ke vera Vîrusê Corona do bêrê girewtiş, çîyê ke do bêrê kerdiş rojedemê esasî û muhîm yê  dinya, Tirkiya û Kurdistanî yê..

Heme dezgeyê medya tedbîrê ke do vera nê janî bêrê girewtiş ser o weşan kenê.

Epîdemî Tirkiya û Kurdistanî de her ke şino vila beno û hûmara kesê ke bîyê qurbanê nê vîrusî roj bi roj zêde benê.

Ereymendişê caardişê tedbîrê ke hûkmatê AKPyî plan kerdbi û  bi taybetî  zî sistîya  tedbîrê derheqê nimajê îne û ê seba umre bi sebebê na rewşe; para sistgirewtişê qeraran, na mesela de zaf a.

Seba ke vilabîyayîşê nê janî bêro girewtene şefafî, hayîkerdişê şarî û testkerdiş zaf muhîm o, tesîrê ci  zaf muhîm o.

Hukmatê AKP muhîmî û qîmet nêdana şefafi, qîmê xo tena bi beyan kerdişê hûmara nêweş û merdeyan ano.

Tirkîya de sebebê vilabîyayîşê epîdemî ra yew zî no yo ke, hem testî mirda xo nêameyî kerdiş hem zî wextê ci de nêameyî kerdiş.

Pakêtê tedbîrî ke Serekkomarê Tirkiya Erdogan aşkere kerd, do nêeşkê vernîya epîdemî bigirê.

Pakêtî, pawitişe kedkaran, feqîran, betalan  ney, sermiyandaran pawenî, hedef no yo ke, sermiyandarî wa na rewşe pê zirarêkê kêmî derbaz bikê.

Seba ke epîdemî bîyo rojdemê sereke û eleqeyê her kesî na babete ser o ya, hukmatê AKP wazeno ci ra feyde bigîro û îdareyê yewkesî û dîktatorî xurtêr biko.

Şarederiyane HDP ser o tayînkerdişe qeyûman û eşkerekerdişê qeraranê ekonomî ney nîşan dano.

No demo ke zere û sehaya mîyannetewî de hetkarî, hemkarî,  yewîtî  esas a de   hukmatê  AKP îmze erzeno bînê îcraatanê cotstandardî.

Hukmat semede têkoşînê vera coronavîrusî pakêtêk derheqe reformê yasayî de hadre kerdo. Gorê nê paketî do qismêk hepsî, hepisxane ra bêrê veradayîş. La çi heyf ke, bi taybetî hepsîyê Kurd û ê sîyasî do nê pakêtî ra îstîfade nêkerê.

Na yena manaya cotstandardî, vera merdimatî sûcêk a.

Sihatê ma muhîm o, ma însîyatîfê dewlete rê nêverde

Waştişê Partîya Azadîya Kurdistanî-PAKî û Partiya Spsyalîst a Kurdistanî-PSKî şarê ma ra no yo ke, heta mecbûr nêbê wa tu kes nêvejyo teber, qelebalixan ra dûrî vindê û  goş bidê vatiş û pêşnîyazanê pakî yê dezge û pisporanê weşîye.

Ma sey PAKî û PSKî venga ê kesê ke eşkenê vejîyê teber wa ê kesê ke nêeşkenê vejîyê teber ê ardim bikê.

PAK û PSK veynenê AKPî û ey ra wazenê wa seba pawitişê kedkaran, feqîran tedbîranê muhîman bigîro,  desteg bido kes ke Vîrusê Korona ver mexdûr bîyê, no war de pakêtanê ardimî hadre biko û praktîk de bîyaro ca.

Ganî hukmatê AKPyî hepisxaneyan de vera tehlûkeyê vilbîyayîşê coronavîrusî tedbîranê muhîman bigîro.

Ganî hukmat îmkanê ke estê, her çî ra ver semedê erînayîşe maskeyan, lepikan û lazimtîyanê bînan, semedê aletanê testî û cîhazanê bînan  bixebitno.

Ganî hukmat fek cotstandadî ra verado, mîyanê hepsîyan de ferq nêno ro, cîyayî nêkero û ganî heme hepsîyê siyasî ke hepisxaneyan de yê bêrê veradayîş.

PAK û PSK venga baroyanê avuqatan û hem hêzanê sivîl û demokratîk danê ke wa   bêveng nêmanê, vengê xo berz bikê.”

24ê adarê 2020

PAK(Partîya Azadîya Kurdistanî)

PSK(Partîya Sosyalîst a Kurdistanî)