Merkezê Xeberan

Yadkerdişê Şex Abdulselam Barzanî yê şarê Kurdistanî bi rêzgirewtişê seba şehîdanê Kurdistanî dest pêkerd.

Gelek endamê PSK û PAKyî, ronşvîr, nuştox, sîyasetmedarê Kurdî û  rojnamegerî û welatî beşdarê yadkerdişî bîyî 

Ewilî beyanato hempar yê PAK û PSKyî hetê  Endamê Komîteya Îdarekare yê Merkezî yê PAKî Hanifi Turanî ra ame wendene.

Beyanatê hempar yê PSK û PAKî wina bi:

'Temsîlkarê dezgeyê çapemenî yê brêzî, sîyesetmedar û ronsvîrê ercîyayê! Şima xeyr amê semîner û Yadkerdisê Şêx Ebdulselam Barzanî yo serek û rayvero ercîyaye yê şarê Kurdistanî yo.

Şêx Ebdulselam Barzanî 105 verê cû, roja 14ê Teşrîna Peyêna 1914î de Mûsil de Dewleta Osmanî ra ame dardekerdene. Gama ke Şêx Ebdulselam Barzanî ame dardekerdene, Suleyman Nazîfo Dîyarbekirij Walîyê Mûsilî bi.

Ma ewro sey Partîya Azadîya Kurdistanî (PAK) û Partîya Sosyalîst a Kurdistanî (PSK) bi minasebetê yadkerdişê rayverê şarê Kurdistanî Şêx Ebdulselam Barzanî  semînerêk danê.

Derheqê cuyayîş  û xebat û reform û vîr û bawerîyê Şêx Ebdulselam Barzanî de cigêrayox, dîroknas û nuştoxo Kurd o ercîyaye kek Kerem Serhadî do malumat bido ma.

Şêx Ebdulselam Barzanî, lajê Şêx Mehmûd o û birayo pîl ê Şêx Ehmed,Mûhamed Sıddıq Babo û Mele Mistefa Barzanî yo. Şêx Ebdulselam Barzanî serra1868î de  Barzan de amo dinya.

Şêx Ebdulselam Barzanî pêşmerge bi, hetêk ra zî Serfermandarê Pêşmerge bi.

Şêx Ebdulselam Barzanî, serek û rayverêko  milî, komelkî, dînî û niştimanî bi.

Şêx Ebdulselam Barzanî, reformwaşt bi.

Şêx Ebdulselam Barzanî, bi ronayîşê reformê hewt xalan bingehê edalatê komelkî, bingehê yewitîya Kurdistanî na ro.

Şêx Ebdulselam Barzanî, rayverêko netewî, niştimanî bi. Bername û wastişê milli, niştimanî yê şarê Kurdistanî pêşkêşî Dewleta Osmanîyan kerd. Dewleta Osmanî nê waştişî qebûl nêkrdî û hêrişê şarê Kurdistanî kerd. Şarê Kurdistanî bi serekîya Şêx Ebdulselam Barzanî çokê xo ronêna, xoverdayîşêko meşrû û qehremanîyêk nîşan da.

Netîceyê nê hêrişanê Dewleta Osmanî û xoverdayîşê şarê Kurdistanî de, Dewleta Osmanî roja 14ê Teşrîna Peyêna 1914î de li Mûsil de verê çimanê Mele Mistefa Barzanî de û verê çimanê şarê Kurdî de Şêx Ebdulselam Barzanî îdam kerd.

Na alaya têkoşînî ya bi rûmet ya ke Şêx Ebdulselam Barzanî teslîmê şarê Kurdî kerd, nêkewt waro, têkoşîna şarê ma nêvindert. Têkoşînê şarê ma bi Serekkomarîya Pêşewa Qazî Mihemed,bi îlan kerdişê  Komara Kurdistanî resa sewîyeyêka berze.   Ala Kurdistanî ya Komara Kurdistanî Mehabad de Meydanê Çarçirayî de amey aliqnayîş.

No xoverdayîş û têkoşîn û serewedaritişo  rûmet yê netewî û niştimanî yê Şêx Ebdulselam Barzanî,  ewro her çar perçeyanê Kurdistanî de zî sewîyeya cîya cîya de hetê şarê ma ra dewam a.

Serrgêra rayver û serekê şarê Kurdistanî Şêx Ebdulselam Barzanî ya 104ine de ma ey hurmet yad kenê.

PSK(Partîya Sosyalîst a Kurdistanî)

PAK(Partîya Azadîya Kurdistanî)”

Pêşkêş kerdişê beyanatê d PAK û PSKyî ra dima dîroknas, cigêrayox û nuştoxo Kurd Kerem Serhadî qisey kerd û qala xebat û cuyê Şêx Abdulselam Barzanî kerd. Kerem Serhadî, derheqê reform, vîr û bawerîyê Şex Abdulselam Barzanî de malumatê hîrayî dayî.

Qiseykerdisê Kerem Serhadî ra dima semîner bi persanê beşdaran û cewabdayîşê Kerem Serhadî dewam kerd.