Serokê Partîya Zaferê Umît Ozdag, heqaret li rêberê milî yê miletê Kurd û kesayetekî qebûlbar ê dînî Şêx Seîd Efendî kirîye. Demeke berê jî Umît Ozdag heqaret li rêberê millî yê miletê Kurd Seyîd Riza jî kiribû.

Helbete ku tu hekaret, dê nikaribe tesîrê li qîmet û rola rêberên me yên milî bike.

Rêberên miletê Kurd bi dilsozî canê xwe ji bo miletê xwe û ji bo doza xwe feda kirine. Ew di dilê me da, di têkoşîna me da dijîn.

Divê Umît Ozdag û yên wekî wî baş bizanibin ku, miletê Kurd dê bersîva herî baş , bi azadî û serxwebûna welatê xwe û pêşeroja xwe ve bide wî û yên wek wî. Tu hêrîş û hewlên nîjadperestan dê nikaribin rê li ber vê yekê bigirin.

Em bi rêzdarî rêberên xwe yên milî bibîr tînin, em bi wan serbilind in û em Umît Ozdag şermezar dikin, protesto dikin.

Divê Baroyên Bakurê Kurdistanê di derbarê Umît Ozdag da dozê vekin û di mehkemeyê da, rûyê wî yê qirêj bê aşkere kirin, bê mehkûm kirin.

Umît Ozdag dijminê kurdan e û divê bi sûcê dijî mirovahîyê û nîjadperestîyê bê darizandin û divê hemû Kurd xwe terefê vê dozê bibînin.

16.08.2022

Buroya Çapemenî û Ragehandinê ya PAKê