Îro (24ê Sibatê) şandeke PAKa Bakur ku ji Endamê Bireveberiya Navendî Orhan Kaya û endamên Komîteya Başûrê Kurdistanê ya PAKê Abdullah Kahramaner û Abdî Işik pêk hatibû, li eniya şer li Kerkûkê seredana Partîya Azadîya Kurdistanê ya Rojhilatê (PAK-Rojhilat) kir.
 

Şanda PAKê ji alîyê Alîkarê Serokê Giştî yê PAKa Rojhilat Husên Yezdanpenah ve hat pêşewazîkirin.
Di hevdîtinê de, herdu aliyan derbarê Tirkiye, Îran û Kurdistanê û şerê li dijî DAIŞê de bîr û rayên xwe yên parve kirin.

Husên Yezdanpenah, behsa xebatên xwe yên li Rojhilatê Kurdistanê û şerê li dijî DAIŞê kir û got, ‘’Di vê merheleyê de wek PAK-Rojhilatê em li Rojhilatê Kurdistanê şerê çekdarî nameşînin. Lê xebatên nihênî yên siyasî em birêve dibin.’’
 

Endamê Bireveberiya Navendî ya PAKa Bakur Orhan Kaya jî, behsa xebatên PAKê kir û derbarê bîr û ray û bernmameya PAKê de agahî da şanda PAKa Rojhilat. Kaya her wiha piştgiriya xwe ya ji bo birayên xwe yên Rojhilatê Kurdistanê nîşan da.