Heyeteke PAKê ya bi serokatîya Aziz Özdemir ê Serokê Şaxa Batmanê ya Partîya Azadîya Kurdistanê (PAK) roja 15.09.2019an seredana şîna qurbanîyên teqîna Pasûrê kir.

Weke tê zanîn li Pasûr (QULP) a Navçeya Amedê, di roja 12.09.2019an de di encama teqînekê de, 7 kes hatin kuştin, 10 kes jî birîndar bûn.

Ji wan heft qurbanîyan 2 kes xelkê Sasunî û niştecîyên Batmanê bi navê Mehmet Bozyel û İhsan Çelikbilek bûn.

PAK Şaxa Batmanê bi şandekê seredana  şîna (tazîye) qurbanîyan kirin.

Serokê Şaxa Batmanê  ya PAKê Aziz Özdemir ji xizmên wan re sersaxî ,sebir û metanet xwest û got:

"Em ev êrîşa ku bi tu sedemê nayê qebulkirin û bi her cûreyeke êrîş û çalakîyên terorî yên ku zerarê dide sivîlan, bêyî teredut her tim şermezar dikin."

Heyeta PAKê li Mûşê seredana şîna qurbanîyên teqîna Pasûrê(Qulp) kir

Heyeteke PAKê ya ji rêvebir, endam û alîgirên PAKê pêkhatî bi serokatîya Abdullah Özten ê endamê Komîteya Birevebir a Navendî ya PAKê roja 15.09.2019an li Mûşê seredana şîna Sinan   Diger ê qurbanîyê teqîna Pasûrê(Qulp) kirin.

Endamê Komîteya Birevebir a Navendî ya PAKê Abdullah Özten, li ser navê PAKê sersaxî ji Necmettin Diger ê lawê Sinan Diger re xwest û ev êrîşa terorî şermezar kir.

Li Batman û Mûşê her sê malbatên qurbanîyan spasîyên xwe pêşkêşî heyetên PAKê kirin.

15.09.2019

Buroya Çapemenî û Ragehandinê ya PAKê