17ê Kanûne Roja Alaya Kurdistanî ya.

PAKî (Partîya Azadîya Kurdistanî), roja 17.12.2021 Teşkîlatê Amedî yê PAKî de Roja Alaya Kurdistanî Pîroz kerd û muhîmîya Alaya Kurdistanî ser o semînerêk tertip kerd.

Qiseykerdoxê semînerî cigêrayox û nuştoxê Kurd Seîd Veroj bi.

Moderatorê semînerî Vervatoxê PAKî Hanîfî Tûran bi.

Destpêkê semînerî de bi Marşê Neteweyî Ey Reqîb semedê heme şehîdanê Kurdistanî rêz ame girewtene.

Badê nameyê PAKî ser o, Vervatoxê PAKî Hanîfî Tûranî derheqê rol û muhîmîya Alaya Kurdistanî de  qisey kerd û va ‘’Na Ala ya Kurdistanî, sey qîmetêkê neteweyî 100 serrîyo ke sey Alaya Kurdistanî ameya qebûl kerdene.

Ganî bi hîsanê neteweyî, niştimanî wayîrê na roje vejîyo. Ganî na alaya semedê heme Kurdistanîyanê dinya sey Ala ya Kurdistanî bêra qebûl kerdene’’.

Hanîfî Tûranî derheqê serrgêra Hedîseyê 49an a 62ine de zî qiseykerdişêk kerd. Hanîfî Tûranî wîna va:

‘’Dewleta Tirkîya, 62 serrî verî, roja 17ê Kanûna 1959î de, mîyanê komelî ra, 50 roşnvîr, wendekar, şexsîyetê Kurdî destbend kerdî û ê şetî hepisxaneyan. Dewleta Tirkîya bi îdîaya ke ‘ê kesî bi destegê tay dewletanê xerîban waştê Tirkîya perçe bikê’ derheqê 50 şexsîyetanê Kurd de dewa akerde.

Rîyê şertanê xiraban yê hepisxaneyî, hepsîyan ra Mehmet Emîn Batûyê Mardînî ke wendekarêkê ûnîwersîte bi dinyaya xo besdilna. Wefatê Mehmet Emîn Batû ra dima na dewa sey ‘Dewaya 49an’, sey ‘Hedîseyê 49an’ ameya namekerdene.

Mehkemeya Eskerî ya Îstanbûlî, 8 serrî dewam kerd.  Netîceyê ci de tay kesan cewa girewt, tay kesan beraat kerd. La seemedo ke zêde dewam kerd, herinda cezaya hepsî, zaf kesan rê cezaya sirgûnî amey dayene.

Bûyera 49an, piştî qetlîama Dêrsîmê, êrîşa ewil ya berfireh ya Dewleta Tirkîyeyê bû

Şarê Kurdistanî Hedîseyê 49an vîr nêkerd û do vîr nêkero zî.

Ma ked û têkoşînê şexsîyetanê Kurd yê ke Hedîseyê 49an de  ameyê muhakemekerdene, sey têkoşînê xo vînenê. Ma kesê ke Hedîseyê 49an de ameyê muhakeme kerdene la badê wefat kerdê bi hurmet yad kenê ’’.

Qiseykerdişê Hanîfî Tûranî ra dima, cigêrayox û nuştoxê Kurd Seîd Verojî zî derheqê prosesê amade kerdiş û qebûl kerdişê Alaya Kurdistanî de,  derheqê qerarê Parlamentoya Herêma Kurdistanî ya ke îlan kerdişê Roja Alaya Kurdistanî de malûmatê hîrayî dayî.

Xeylê sîyasetmedar û roşnvîre kurd û endamê PAKî beşdarê semînerî bîy.

Telewîzyonê kurdî zî eleqeyêko baş nîşanê semînerî day.

17.12.2021

Buroya Çapemenî û Ragehandinê ya PAKê