“PAK do roja 18.10.2020 de Anqara Kongreya xwe ya Asayî ya Diyîne virazo.

Meclîsa Partîye ya PAKî qerar da ke Kongreya xo ya 2yinîne ra ver, bi armancê amadekarîya Kongre, Amed de bi beşdarîya delege, endam û hetkaranê PAKî û bi beşdarîya mêmanan her çar perçeyanê Kurdistanî ra û şarê ma Komxebatêke virazo.

La rîyê talukeyê janê Korona ra, na Komxebata fiîlî amey betal kerdene û herinda ey de bi eynî armanc roja 04.10.2020 de Komxebata Vîdeokonferansî ya Amadebîyayîşê Kongreya Pêroyî ya PAKî ya 2yîne amey viraştene.

Komxebata Vîdeokonferansî bi beşdarîya qasê 90 delegeyanê ke Kurdistan, Tirkîya û Ewrppa de ameybî tespîtkerdene virazîya.

Komîsyona Amadekare ya Komxebate semedê rayberdişê Komxebatêe 5 kesî semedê dîwanî pêşkêş kerd û bi rayanê delegeyan ê 5 kesî sey Dîwanî yê Komxebate ameyî weçînayene.

Dîwanê Komxebate taslaxê Rojeva Komxebate pêşkêşê delegeyan kerd û Rojeva Komxebate amey qebûl kerdene.

Komxebate semedê şehîdanê Kurdistanî bi rêzgirewtiş dest pêkerd.

Gorey rojeva ke ameybî qebûl kerdene, Serekê Pêroyî yê PAKî Birêz Mustafa Özçelikî derheqê xebatanê PAKî yê 3 serranê peyênan de û derheqê rewşa Kurdistanî, herême û cîhanî de qiseykerdişêk kerdr.

Qiseykerdişê Birêz Mustafa Özçelikî ra dima, delegeyan hem heme raporêe xebate û hem zî taslaxê programê xebate yê PAKî yê 2 serranê vernîya ma ke komxebate ra ver delegeyan rê amebi pêşkêş kerdene ser o qisey kerd, fikir û rayîr û pêşniyazê xo pêşkêş kerdî.

Nêzdîyê 90 delegeyê Komxebata PAKî, 10 seetan bi dîsîplenêk platformê dîgitalî ser o, bi hawayêko serkewtî û berhemdar Komxebata xo viraşte.

Semedê xurtkerdiş û newekerdişê Meclîsa PAKî bi beşdarîya cinîyan, gencan û kadroyanê neweyan qerarî hêvîdarî ameyî girewtene.

Heto bîn ra qiseykerdişan ra dima, programê xebate yê PAKî yê 2 serranê vernîya ma zî ame tespit kerdene.

Komxebate de semedê midaxale kerdişê prosesê sîyasî yê Bakurê Kurdistanî qerarê muhîmî ameyî girewtene.

Qerar û pêşniyazê ke Komxebata Vîdeokonferansî ya seba Amadekarîya Kongreya Asayî ya PAKî ya 2yîne ke do 18.10.2020ê bêra viraştene de ameyî girewtene, sey fermî do bêrê tesdîq kerdene.

Her çiqas semedê janê Korona rewşa xirabe esta zî, viraştişê Komxebata Vîdeokonferansî ya PAKî, rayîrê dewaya azadîya Kurdistanî de semedê PAKî û semedê şarê ma qezencêko pîl o.”

06.10.2020

Buroya Çapemenî û Têkilîye ya PAKî