PAKî roja 31ê Çeleyê 2023yî roja sêşeme Semtê Bayramogluyî yê Amedî de semedê dersa weçînitî ya kurdkî broşur vila kerd.

Semedê weçînitşê dersa weçînitî ya kurdkî 10ê Sibate roja peynî ya.

PAKî keyeyan ra waşt wa bi formê dersê weçînitî mekteban rê muracat bikerê û semedê gedeyanê xo, sey heqêko meşru û qanûnî dersa kurdî (Kurmancî, Kirmanckî/Zazakî) weçînê.

Destpêkê vilakerdişê broşuran Polîsanê Amedî nêzdîyê Parka Koşûyolûyî de rayber û endamanê PAKî midaxale kerd, nêverda wa broşuran vila bikerê. Polîsan va ‘’Şima bi êlegê PAKî nê broşuran vila kenê. Na çalakîya şima qanûnî nîya, ma nêverdenê şima broşuran vila bikê’.’La rayber û endamê PAKî vatî ke, ‘’Heqê dersa weçînitî bi qirarêkê dewlete dîyayo dest pêkerdene. Na çalakîya ma zî semedê hetkarîdayîşê dersa weçînitî ya. Ma êleganê xo zî nêvejenê û ma do broşuranê xo zî vila bikerê’’.

Israrê rayber û endamanê PAKî ser o, polîsî bi telefon Emnîyetê Amedî gêray. Nêm saete ra badê pey, destur dîya ke wa PAK broşuran vila biko. La hetanî peynîya çalakîye polîsî dormeleyê PAKîyan de bî.

Demê vilakerdişê broşuran de, şarê ma yê Amedî eleqeyêka weşe nîşanê broşuranê PAKî da, desteg da dersa weçînitî ya kurdkî.

PAK do roja 01.02.2023î zî Meydanê Şêx Seîdî, Berê Koyî û Balikçilarbaşi yê Amêdî de broşuranê dersa weçînitî vila bilo.

31.01.2023

Buroya Çapemenî û Têkilîye ya PAKî