Li gor ajansa Reutersê îro sê balefirên şer ên Pakistanê çûn asîmanên Hindîstanê ya li herêma Keşmîrê û bi balefirên şer ên Hindîstanê re hatin hember hev û naçar man ku paşde wegerin.

Li gor çapemeniya Hindîstanê du balefirên şer ên welatê wan ji aliyê balefirên şer ên Pakistanê ve li esmanên Hindîstanê hatine xistin û ji ber wê jî du balefirvanên wan jî jiyana xwe ji dest dane.

Artêşa Pakistanê jî di vê derbarê de daxuyaniyek da û ragehand, piştî êrîşa esmanî ya balefirên şer li ser herêma Keşmîrê ya beşa Hindîstanê, hejmarek belefirên Hindîstanê hewldane êrîş bikin ser herêma Keşmîrê ya beşa Pakistanê, lê li hember rawestane û li esmanê Pakistanê du balefirên şer ên Hindîstanê hatine xistin.

 

Herwaha li gor daxuyaniya artêşa Pakistanê du balefirvan hatine kuştin û balefirvanek jî dîl ango êxsîr hatiye girtin.