Endamê Fraksiyona Partiya Demokrat a Kurdistanê (PDK) yê li Parlamentoya Iraqê Dr. Mihemmed Şakir ragihand, ku di rûniştina roja çarşemê ya parlamentoyê de rexne li Parêzgarê Banka Navendî ya Iraqê Dr. Elî Elaq girt, ku wî bi bikarneanîna zimanê Kurdî li ser pereyê Iraqê destûra wî welatî binpê kiriye, ku ev binpêkirina yasa û destûrê aşkere ye û daxwaz kir ku ji ber vê yekê lêpirsîn lê were vekirin.

 

Dr. Mihemmed Şakir dibêje: “Wek çawa di rûniştinê de jî min amaje pê kir, ku li gor madeya 4ê destûra Iraqê û li gor yasaya hejmara 7 a sala 2014a, mafê parlamenteran heye ku bi zimanê Kurdî biaxive, tawana parlamenteran û kesên amade çi ye gava em bi Kurdî diaxivin û ew tênagihên, bo wê yekê pêwîst e ev pirsgirêk were çareserkirin û bo parlamentoyê wergêr werin dabînkirin.”