Parlamenterên Partiya Demokratîk a Gelan HDPê, îro li Qada Taksîmê di nav dorpêça polêsan de, çalakiya rûniştinê li dar xist. 

Parlamenterên HDPê piştî çalakiya rûniştinê li ber Otela Hîl a li Qada Taksîmê kom bûn û ji Qada Taksîmê ber bi Qada Galatasarayê ve bi pankarta ‘Leyla Guven rûmeta me ye’ dest bi meşê kirin.

Hêjayî bibîrxistinê ye ku Wezîrê Karên Hundir ê Tirkiyeyê Suleyman Soylu duh bal kişandibû ser çalakiya parlamenterên HDP’ê û wiha gotibû: “Ger ku ez destûrê bidim hûn wê meşê li dar bixin, wê demê ez ne zilamim.”