Parlamentoya Ewropa pê vernîyazêk waşt ke sere de Selahattîn Demîrtaş pêro tepişteyê bînî yê sîyasî yê Tirkîya ganî cade vera bidîyê û heqanê înan rê hûrmet bêro mojnayene. Vernîyaz pê 590 reyan qebul bi.

Vizêr Parlamentoya Ewropa (PE) pê vernîyazêk waşt ke sere de Selahattîn Demîrtaş pêro tepişteyê bînî yê sîyasî yê Tirkîya ganî cade vera bidîyê û heqanê înan rê hûrmet bêro mojnayene

Bire de ame vatene ke sey endamêka Konseya Ewropa Tirkîya neçare ya ke goreyê hukmê Mehkemeya Heqanê Merdiman a Ewropa têbigêra.  Bire de ame parekerdene ke têna 6 hemşaredarê HDPyî wezîfeyê xo ser o yê, herinda ê bînan de qeyûm ame tayînkerdene.

Parlamentoya Ewropa venga Tirkîya da ke wa goreyê biranê Mehkemeya Heqanê Merdiman a Ewropa (MHME) têbigêra, pêro standartanê mîyanneteweyîyan bîyara ca.

PE vat: ''Hukmatê Tirkîya HDP û rêxistinê ciwanan kenê hedef. Ma venga meqamanê Tirkîya danê ke cade nê tewirî ra fek vera bidê. ''

Bire de 12 madeyî estê û nê madeyan de azadîya çapemenîye, azadîya rojnamegeran û asayîşê xebatkaranê medya ser o zî yeno vindene.