Parlementoya Kurdistanê di rûniştina îro 27ê Cotmehê de, bi dengên 82 parlementeran, bersivên Hikûmeta Herêma Kurdistanê û Serokwezîr Mesrûr Barzanî yên derbarê çaksaziyan de pesend kir.

Di civînê de çend mijar hatin gotûbêjkirin, ji wan pêşkêşkirina pêşniyara yasaya "parastina tora bingehên av û avrêjê li Herêma Kurdistanê". Herwiha pêşniyara yasaya "rêvebirin û parastina avê li Herêma Kurdistanê û gotûbêjkirina mijara danîna endamê parlementoyê "Umer Ebdullah Fetah" li Lijneya Darayî û Karûbarên Aborî li gor madeyên 28 û 34 ên di peyrewa navxwe ya Parlementoya Kurdistanê de.

Mijareke din a rûniştina Parlementoya Kurdistanê, li ser gotûbêjkirina wan bersivan bû ku Serokwezîrê Herêma Kurdistanê Mesrûr Barzanî di roja 5ê Cotmeha 2020an de bersiv dabû pirsên parlementeran.

Di dawiya gotûbêjkirina vê mijarê de, bi dengên 82 parlementerên Kurdistanê, bersivên Serokwezîrê Herêma Kurdistanê û Cîgirê Serokwezîr û Wezîrê Darayî û Sekreterê Encûmena Wezîran a Herêmê hat pesendkirin.