Parlementerê Partîya Demokrata Kurdistanî (PDK) yê Parlementoyê Kurdistanî Zana Mela Xalîd aşkera kerd ke, 7ê Temmuze de Parlementoyê Kurdistanî do kom bibo û hukmato newe o wext yeno ronayîş.

Zana Mela Xalîdî da zanayîş ke, PDK proseyê ronayîşê hukmatê newî qedînaya û wina va:  7ê Temmuze de Parlementoyê Kurdistanî kom beno. Heme partî û hetî do kombîyayîş de ca bigîrê. Heme partîyan ra ameyo waştiş ke wa kabîneya newî ya hukmatê newî de ca bigîrê.

Zana Mela Xalîdî da zanayîş ke, heme partîyê sîyasî gere heta 11ê na menge temsîlkaranê xo aşkera bikerê. 

Vizêr mesulanê YNK Hacî Mesîfî zî vatbi  heta di hewteyan do kabîneya newî ya hukmatê Herêma Kurdistanî bêra aşkerakerdiş.

Seke yeno zanayîş 11- 06- 2019 de Parlementoyê Kurdistanî , Mesrûr Barzanî  seba  ronayîşê Hukmatê Herêma Kurdistanî kerbi wezîfedar.