Parlementera Koma Xirîstîyanan Kilara Odîşo vana “Serek Barzanî tenya serekê Kurdan nîyo. Xirîstîyanî zî ey sey serekê xo vînenê” 

Serek Mesûd Barzanî vizêr grûba PDK,  Xirîstîyayan, Tirkmenan û Ermenîyan ê ke Parlementoyê Kurdistanî de ca gênê dir kom bi.

Parlementera Koma Xirîstîyanan Kilara Odîşo derheqê kombîyayîşê înan de ajansê Basnewsî rê qisê kerd û va: Serek Barzanî dir kombîyayîş seba ma muhîm bi. Serek Barzanî tenya serekê Kurdan nîyo. Xirîstîyanî zî ey sey serekê xo vînenê”.

Parlementera Koma Asurî-Suryanî-Keldanî Kilara Odîşo îzeh kerd ke,  xirîstîyanî Herêma Kurdistanî de bêterse û bêproblem cuyenê 

Serek Mesûd Barzanî zî derheqê kombîyayîşê înan de beyanat da û va: Kurdistan de tu kes kêmê yewbînî nîyo û her kes wayîrê Kurdistanî yo.