Selçuk Kiliçarslan, Serokê Bajarê Sakaryayê yê Partiya ÎYÎ li ser hesabê xwe yê Twitterê, wêneya li ser maseya Mevlut Çavuşoglu, Wezîrê Derve yê Tirkiyê ya roja pêşwazîkirina Nêçîrvan Barzanî, Serokê Herêma Kurdistanê belav kir û got: “Di xwarinê de çi hebû wezîr beg, şorbeya potikê?”

Li ser vê yekê, Sezgin Tanrikulu, Parlementerê Partiya Komarî ya Gel (CHP) li ser hesabê xwe yê Twitterê, Ala Kurdistanê parve kir û li hember vê gotina Selçuk Kiliçarslan bertek nîşan da.

Sezgin Tanrikulu diyar kir: “Ev ala ku hinekan gotine potik, alaya fermî ya Rêveberiya Herêmî ya Kurdistanê ye ku di destûra Iraqê de hatiye pênasekirin. Ala, rûmeta hemû gel û welatiyan e ku di bin wê alayê de dijîn. Sivikatîkirina li alayekê, dijminatiya aştiya civakî ye û nayê qebûlkirin.”