Navenda hevkariyê ya partiyên siyasî yên Kurdistana Îranê li ser pîrozbahiyên Cejna Newrozê daxuyaniyek weşand.

Navendê di daxuyaniya xwe de spasiya gelê kurd kir ku ji bo pîrozkirina Newrozê bangewaziya wan guhdar kiriye û di asteke berz de beşdarî pîrozbahiyan bûye.

Herwisa di daxuyaniyê de banga xurtkirina tifaqa kurdan hat kirin ku li dijî rejîma Komara Îslamî ya Îranê yekdeng bin û hat gotin, "Kurdên Rojhilatê Kurdistanê wekî baskekî bihêz yê neteweyî dikarin li dijî dagirkeriya maf û azadiya me û li hemberî hemû egerên sext û dijwar de dikarin îradeya xwe ya komelgeyî nîşan bide."