Navenda Nûçeyan - Nîvê şeva borî li paytexta Îran-Tehranê erdhejek bi tundîya 5.1 rîxter qewimî.

Li gorî agahîyan, di wê erdhejê de ku navenda wê li devera Demavend ya Tehranê bû, 2 kes mirin û 23 kes jî birîndar bûn.

Erdheja han, ku di kûrahîya 7 km de bûye, li gelek bajarên din mîna Mazenderan, Elborz, Qom û Qezvînê jî hatîye hiskirin.

Rêveberîya orjansa Tehranê ragihandîye, ew kesên ku mirine û birîndar bûne, ji ber tirs û panîkê bûye.

Ew kesên ku mirine jî, zilamekî 60 salî û jineka 21 salî ye.