Seba ke wa pêşmergeyî newe ra abigeyrê Kerkuk, bi fermanê Serek Barzanî komîsyonêk amey ronayîş û komîsyone xebata xo domnena.  Endamê  komîsyone Şaxewan Ebdulayî va:  PDK do demêko kilm de Kerkuk de  ofîsê xo abiko.

Endamê Komîsyona Normalbîyayîşê Kerkukî Şaxewan Ebdulayî îzeh kerd ke, eke Kerkuk de asayiş bêro temînkerdene, PDK zî ageyrena Kerkuk û wina va: Eke Kerkuk de îstîkdar bêro temînkerdene ma do abigeyre uca. Ma qet fek Kerkukî ra veranêda. Çîyê ke Partîya Demokrata Kurdistanî (PDK) seba Kerkukî kerd, partîyêk nêkerd. 

Şaxewan Ebdulayî wina va: Ma hewteyo verên Baxdat de îdarekarê Iraqî de amê têhet û ma Kerkuk ser o qisey kerd. Pêvînayîşê ma atmosferêko weş de vîyart.  Ma kenê ke Kerkuk de newe ra ofîsêk akbike. Her çî ra ver Walîyê Kerkukî gere seba ney xebate bikero. 

Şaxewan Ebdulayî da zanayîş ke ewilî endamê meclise yê PDK do abigeyrê Kerkuk û wina va: Seba ma walî YNK ra beno PDK ra beno ferq nêkeno.  Gere oyo ke bibo walî şarê xo  ra  hes biko, seba Kerkukî xebate biko û şarî rê zulum nêkero”