Partiya Demokrata Kurdistana Îranê (PDK-Î) êvara roja çarşemê 12.07.2023an di daxuyaniyekê de ragihand, endamê wê partiyê bi navê Siyamend Şeboyî ji aliyê çeteyên Îranê ve hat kuştin û termê wî li nêzîkî Behirkê ve hatiye dîtin.

PDKÎyê bang li hemwelatiyan, grûpên siyasî û rêxistinan kir ku vê tawanê şermezar bikin û rê nedin ku Îran Iraqê ji bo komên xwe bike qada lîstikê.

Siyamend Şabûyî yê 35 salî û xelkê bajarê Şinoyê roja sêşemê wenda bû û îro çarşemê piştî nîvro termê wî li nêzîkî bajarokê Behirka yê ser bi Hewlêrê hate dîtin.

Hefteya borî Partiya Demokrata Kurdistana Îranê (PDK-Î) di daxuyaniyekê de ragihandibû, ku 2 endamên din li havîngeheke Qeladzeyê hatine kuştin.