Merkezê Xeberan

Wezaretê Pawitişî yê DYA bi eşkerayîyeka nuştekîye da zanayene ke eke operasyonêk bêro viraştene, Pentagon do paşt nêdo nê operasyonî û vat gama yewhete seba Tirkîya rîsk a û Tirkîya do bibe berpirsîyarê bi hezaran endamanê DAIŞî.

Eşkerayîye de nê ameyî vatene: ”Wezaretê Pawitişî – sey serekî- Tirkîya rê bi hewayêkê eşkera vat, ma paşt nêdanê operasyonê dewleta tirkî yê Sûrîye. Hêzê çekdarî yê DYA do paşt nêdê operasyonêko winayên û do tewrê mabênê nê operasyonî nêbê. Pêvînayîşanê artêşa tirkî de ma her wext behsa nê çi kerde, caardişê asayîşî na herême de koordînasyon û hemkarîye ya. Ma zî Tirkîya rê behsa tayê rîskan kerde. Seba ke ma netîceyanê nê rîskanê ke ê do bibê sedemê bêîstîkrarîye, Tirkîya reyde parbe bikê, ma do bi NATO û hemkarê xo yê koalîsyonî reyde bixebitê.”