Mahmût Celayîr pêşengeya xo ya ‘Peykerûn’î de keda 40 serran arda pêsere.

Ressam Mahmût Celayîr Çewlîg ra yo û Kird o. Celayîr bi terz û uslûbê xo mîyanê ressamanê Kurdan de wayîrê cayêkî taybetî yo. Pêşengeya ey a ‘Peykerûn’ do heta 16ê Nîsane Galerîya Hunerî ya Kîbeleyî ya Îş Sanatî de biba mêmane. pêşengeya ‘Peykerûn’î keda 40 serran ra yena pê. Berhemê Celayîrî xeylê cayanê dinya de û mîyanê koleksîyonanê taybetan de ca girewtê. Hunermend derheqê xebatanê xo de roportajêk dayo.

Raywanîyêka mîstîke

Mahmût Celayîr vano, “Ez hamnananê xo dewêka Çewlîgî de vîyarnena. Qictîya mi na dewe de vîyerte. Ez uca de timûtim koyan ra gêrena. ‘Peykerûn’ warayê dewa ma yo verên o. Yeno vateyê cayo ke peyê kerrayan de yo. Uca tewir-tewir rengî kewenê têmîyan. Ez uca de renganê estbîyayîşê xo vînena. Ez uca de qeldîyena mîyanê deryayê cuye. No ware mîyanê wextî de mi rê bi sey wareyê estbîyayîşî yo ke bi xeyalan, mîtan û sîmseyan xemilnaye yo.”

* Xeberê Gazete Duvarî (Fatîh Tan / Îstanbûl) ra ameye girewtîş.