Serekwezîrê Iraqî Adil Ebdulmehdî û Serekomarê Tirkîya Recep Tayyip Erdogan Anqara de kom bîy.
Serekwezîrê Iraqî Adil Ebdulmehdî û Serekomarê Tirkîya Recep Tayyip Erdogan Anqara de kom bîy. Her di serekan kombîyayîş ra pey beyanat day çapemenî. Serekomarê Tirkîya Recep Tayyip Erdoganî îzah kerd ke, pêvînayîşê Serekwezîrê Iraqî Adil Ebdulmehdî de behsê muhîmîya aktîvkerdişê xeta borî ya petrolî ya Kerkûk – Ceyhanî yo ke hetê DAIŞî ra amebi birînayîş bîyo. 
  
Recep Tayyip Erdoganî wina va “Welatê Iraqî terorê DAIŞî ra zaf zirar dîyo.  Nika newe ra awankerdişê Iraqî yo. Ma do her het ra desteg bide welatê Iraqî û destegê Iraqî biwazê. Ma do hetê tîcaret û sîyasî ra Iraq dir ortaxîya xo xurt bike.”
Erdoganî îzah kerd ke înan qerar girewto ke  hetê eskerî de zî welatê Iraqî dir ortaxî bikê.
 
Qalîkerdişê Erdoganî ra dima Serekwezîrê Iraqî Adil Ebdulmehdî zî qisey kerd û va “Ma qet qebûl nêkenê ke erdê welatê ma ser o dewleta hetê sîyasî û eskerî ra bêra tehdîdkerdene.”