Navenda Nûçeyan - Serok Mesûd Barzanî bi boneya Cejna Newrozê peyamek belav kir, ev jî, deqa wî peyamê ye:

Bi navê xwedayê mezin û dilovan

Bi helkefta hatina cejna Newroz û serê sala 2720 ê Kurdî pîrozbahîyê li malbatên serbilindên şehîdan û Pêşmergeyên qehreman û hemû Kurdistanîyên xweşdivîyên li hûndir û derveyê welat dikim û hêvîya aştî û aramîyê ji bo hemû alîyek dixwazim.

Mixabin niha navçeya me û hemû cîhan li gel gefeke şewb û petayeke cîhanî ve rûbirûye û bi vê sedemê jî gelek welatên cîhanê li rewşeke xerab ya tendirustî û aborî hatîye holê. Ji bo gelê Kurdistanê jî ev şewb bûye gefeke mezin û derbasbûna wê îradeyekî hevbeş û pabendbûn û xweparêzîya giştî pêwîste. Li vir da bi pêwîst dizanim daxwazê ji hemû alîyek bikim ku wekî erkekî niştimanî bi hûrî pabendî rênimayîyên tendirustî û rêkarên Hikûmeta Herêmê û alîyên peywendîdar bibin. Hindî em hemû pabendî rênimayîyan bibîn û xwe biparêzîn ewqas jî gefa wê şewba metirsîdar li ser welatîyên Kurdistanê kêmtir dibe.

Cihê xwe ye destxweşîyê li destpêşxerî û biryar û hengavên Hikûmeta Herêma Kurdistanê bikim ku her li serê destpêka vê şewbê heta niha, bûne sedema wê yekê ku rêjeya belavbûna şewbê li astekî gelek kêm da bimîne û bi beramber li gel welatên dewruber, Herêma Kurdistanê parastîtir bimîne. Spasî ked û xebata şev û rojîya Tîmên Pizîşkî, Asayîş, Polîs, Pêşmerge û hemû alîyên peywendîdar dikim ku li vê roja dijwar da berpirsîyarîya dîrokî û hestîyar li ser milê wane û erkekî mînakî û nimûneyî bi cîh kirine.

Ji wê yekê piştrastim ku pişt bi xwedê û bi hevkarîya di navbera xelk û Hikûmet û pabendbûna hemû alîyek vê astengîyê jî bi selametî derbas dikîn.

Newroza we pîroz û hêvîya xweşî û şadî û tendirustîyê ji bo xelkê xweşdivîyê Kurdistanê dixwazim.

Mesûd Barzanî
20.03.2020