Di rapirsînên beriya hefteyekê de Biden bi 8 pûanan li pêşiya Trump derketibû, lê di rapirsîna dawî ya 2-3yê Cotmehê de ku Trump ji ber pêketina koronayê bo nexşweşxaneyê hatiye veguhestin, Biden 2 pûanên din jî zêde kirin.

Li gorî encamên rapirsîna dawî, Biden ji sedî 51ê dengan distîne û Trump jî di sedî 41ê de dimîne.

Herwiha ji sedî 65ê Amerîkiyan jî di wê rapirsînê de diyar kirine ku Trump ji ber baldar nebûye û korona cidî negirtiye, nexweş ketiye.

Dîsa ji sedî 55ê gelê Amerîkî jî baweriya xwe bi Trump nayînin û tenê ji sedî 34 dibêjin, Trump derbarê koronayê de agahiyên rast dane.