Îbrahîm GUÇLU

Terîqet peyveke erebî ye.  Tê wateya rê. “Lê di îslamê de ji bona salixdana milên oliyên tev kom bûn” tê bi kar anîn. Endamén terîqetan wek sofiyan û mûrîdan tên bi nav kirin.

Di îslamê de Terîqet, ji bona ku kes ji bona xwe bigînin Xwedê wek dezgeheke tê bi kar anîn. Lê terîqet dema ku dikeve deste kesên xirab, ji bona berjewendiya dinyewî û xirabî tê bi kar anîn.

Terîqet, di hemandem de xizmetî Karbidestan, Rejîmên Faşîst û Totalîter û monarşîk; dewletên emperyalist û kolonyalist  jî dikin. Li dijî gelan û neteweyan tev digerin.

                                  &&&&&&

Dewleta Tirk, dema hat damezrandin. Neteweya Kurd tune qebûl kir. Kurd, wek Tirkan hesibandin. Lê ev îdeolojiya wan ya fermî û felsefeya damezranêr ne realist bû. Lewra Neteweya Kurd hebû û rastiyek bû.. Neteweyekî gelek kevnare bû. Li Rojhelatê Navîn beriya Tirkan cîwar bibû. Medeniyeteke mezin damezrandi bû. Dema rastî ev be, diviya bû ku Kurd ji holê rabin û bibin Tirk..

Dewleta Tirk loma jî, ji bona Kurdan bike Tirk,  li hemberî Kurdan her metodeke faşist, kolonyalist, asîmîlasyonîst bi kar anî. Qetlîam çekir. Kurdistan vala kir. Tirk anîn li Kurdistanê bi cî kir, lê dîsa jî Kurd nebûn Tirk û wek neteweyekî  ji holê ranebû. Li hemberî dewletê jî her demê di nav serhildanek û têkoşînekê de bû.

Dewleta Tirk dema dît ku ji derve de nikare Neteweya Kurd biqedîne û bike Tirk û ji mafên kollektîf û mafê dewletbûnê nikare dûr bixwe, stratejiyeke nû pejirand.

Ev strateji jî, di hûndir de Kurd tune kirin û ji armanca dewletbûnê dûr xistin, di nav Kurdan de bi navê Kurdan rêxistineke avakirin, bû.

PKKê, encama vê stratejiyê bi deste dewleta Tirk li hemberî Tevgera Bakûrê Kurdistanê û tevayî neeteweya Kurd hat ava kirin. Pişt re jî ev projeya li sê beşên din  Kurdistanê jî hat bi kar anîn.

                                    &&&&&&

PKKê çi kir û çewa bû terîqetekê?

1-Li Bakurê Kurdistanê ji bona ku Rêxistinên Kurdistanê xurt bûn û kîtleweî bûn û bi deste hêzên civakî û qedroyên xwediyê ceeribandin û bi gel re têkildar ava bibûn ji holê rake; diviya bû ku ji bona PKKê, rê û rêbaza ku nû bê ava kirin. Wusa jî bû.

2- Beriya PKKê ava bibe, di destpêkê de aktöre yekem Ocalan kirin serokekî nayê niqaşe kirin. Loma jî di destpêkê de dema bi deste Ocalan li dijî Kurdan proje ji aliye dewletê de ve ava bû, ew wek “Apoyiyan” bi nav kirin.

Di despêkê de li ser navê Apo gengeşî qedexe hat kirin, hecvalbendên wan ji Ocalan ditirsiyan û nedihêştin ku kesên derveyî wan jî, Ocalan niqaşe bikin.

3-PKKê bi deste ew kes û cıwanên ji derveyî afirandinê ne hat xurt kirin. Gor wê jî metodeke têkoşînê hat tespit kirin. Ew metoda û rê jî şêdet û daîmî çek bi kar anîn, kesên derveyî grûb û partiya xwe kurdperwer kûştin bû.

Ocalan, gelek bi hêsanî ji bona Kurdperwer bên kûştin, biryar dan, ew tereftarên wî yên bibûn fanatik û mûrîd jî, ew biryarên wî cîbîcî kirin.

4-PKK (beriya wê grûbên wê), dizanîn ku bi kesên serseri û çekokêş nikarin Kurdan û xwendevanên Kurdan yên dilsoz bikşîne cem xwe.

Loma jî,  ji bona ku Kurdan ber bi xwe bijkşîne û rêxistinên Kurdistanê tasfiye bike: Kurdistana Serbixwe û Yekgirtî û Sosyalîst ji bona xwe kir strateji.

Beşekî Kurdên dilsoz jî bi we stratejiya wan bawer kirin.

5-Ji bona kurdên dilsoz bikarin bikşînin cem xwe, ji bona planên xwe yên qirêj bi kar bînin, zor bi kar anîn.

Ew kurdên dilsoz jî piştî demekê zor û şêdet ji bona xwe kirin çand. Gelek bi hêsanî qane bûn ku Réxistin û Parrtiyên  Kurdistanê pasîfîst in, dijmin in. Divê ku ji holê rabin.

.6-Di nav PKKê de jî rexne qedexe bû û ew kesên siyaseta navendê û Ocalan rêxne kirin, hatin kûştin. Heval heval kûşt. Bavê, kûrê xwe kuşt. Kûr, bavê xwe kûşt.

Hemû tereftar jî hatin qane kirin ku ew endamên PKKê yên hatine kûştin sîxûr in. Hevalbendê dijmin in.

7-Piştî ku Ocalan wek xwedê û pêxember hat nas kirin: Herkes bû xûlam û mûrîd û qetîlên wî.

Wî bi hêsanî stratejiya xwe ya Kurdistanî û Kurd bigûhere.

Ocalan, piştî hat Tirkiyeyê, got ku armanceke me ya Kurdistaneke serbixwe tune ye, em “Komara Demokratîk a Tirk” diparêzên, tereftarên PKKê li dijî wî derneketin.

Ocalan got ku “ez hatime xizmetî Dewleta xwe yanî Dewleta Tirk bikim”, dîsa her endamekî PKKê sere xwe tewandin, tiştek negotin.

Ocalan di 27ê Sibatê de bi dewletê ve gelek aşkere diyar kir ku PKKê bi dewletê re bibe yek, xwe ji holê rake; Kurdan mafê wan yên ku Dewleteke serbixwe, federal, otonomi, xweseriya îdarî û kulturî  biparêzin, tune ye.

Dîsa deng ji tereftarê wî derneket.

8- Ocalan dema hat Tirkiyeyê hevalbend û endamên PKKê xwe li derveyî welêt, di girtîgehan de xwe şewitandin.

9-Her sal li gûndê Ocalan Amarayê mala Ocalan hat ziyaret kirin.

Îsal jî saleke gelek qrîtık e, Ocalan deşifre bûye ku bi dewletê re kar dike, li dijî mafên Neteweya Kurd e, bi dewletê li hevkirî ye û pêşniyar dişke ku Kurd jî bibin hevalê dewleta dagirker û kolonyalist bi awayekî kîtlewî serdan dikin.

Mala wî bûye ziyaretgeh. Kes axa dûwwarê mala wî dixwin.

Ew hemû qewimandin diyar dikin ku PKKê di hemandem de terîqeteke îdeolojiyê ye.

Serokê Terîqetê, Ocalan e.

Kesekî psikopat e.

Tirsok e.

Bi Kurdbûnê re eleqe wî tüne ye.

Ew dijminê Kurdan û hêjayiyên neteweyî yên neteweya Kurd e.

Ola terîqetê jî, senteza faşizm, Kemalîam Stalînızm, Baasîzmê Apoîzm e.

Dewleta Tirk jî gelek aşkere nûha ji vê terîqetê re alîkar e. Projeya xwe ya li hemberî Neteweya Kurd, dê bi mîsyoneke din bimeşîne.

Ev terîqete gelek xeter e.

Terîqeteke mirovkuje.

Terîqeteke li dijî maf û azadiyan e. Mefên neteweya Kurd e.

Terîqeteke Faşîzan e.

Divê her Kurdek li dijî vê terîqetê raweste û Kurdên di wê terîqetê de ji wir dûr bên xistin

Diyarbekîr, 05. 04. 2025

.