Platforma Zimanê Kurdî ku ji aliyê partiyên kurdî ve hatiye avakirin sibê li Amedê yekem Kom xebata Ziman pêK tîne û ev komxebat dê du rojan berdewam bike.

Tê çaverêkirin ku nêzî 90 zimanzan û pispor beşdarî komxebatê bibin û di encama komxebatê de nexşerêyek dê bo zimanê Kurdî bê diyarkirin. Komxebat dê demjimêr 10.00an destpê bike.

Partiya Demokratîk a Gelan (HDP), Partiya Herêmên Demokratîk (DBP), Partiya Demokrat a Kurdistana-Tirkiyê (PDK-T), Partiya Demokrat a Kurdistan-Bakur (PDK-B), Partiya Azadî û Sosyalîst (OSP), Hereketa Azadî, Partiya Mirov û Azadiyê, Partiya Sosyalîst a Kurdistanê (PSK) û Partiya Azadiya Kurdistanê (PAK) yên Bakurê Kurdistanê roja 29.10.2018an li Amedê hatin kom bûn û Platforma Zimanê Kurdî ava kirin. Partiyên Kurdî ragihandibûn ku armanca wan ew e ku zimanê Kurdî bibe zimanê perwerdeyê. Herwiha hatibû ragihandin ku di vê mijarê de dê piştgirî ji dezgehên navdewletî jî bê xwestin.