Platformê Ziwanê Kurdkî Dîyarbekir de panelê ‘Dîn û Ziwan’ tertîp keno.

Platformê Ziwanê Kurdkî Dîyarbekir de panelê ‘Dîn û Ziwan’ tertîp keno. Platformê Ziwanê Kurdkî beyanatêko nuştekî da û îzah kerd ke, nika ra tepîya semedê meseleya ziwanî ê do panel, konferans û sempozyuman tertîp bikê.

Xebata platformî a ewilî babeta ‘Dîn û Ziwan’ ser o bo. Platform do na xebata xo ya yewine de meseleya ‘Gorê dînê îslamî, heqê ziwanî çî yo?’ ser o panel bido.

Panel do siba Merkezê Kulturî yê Beledîyeya Dîyarbekirî de saete 15.00 de dest pêbikero. Moderatorê penelî Şerefxan Cizîrî yo û panelîstî zî Nuştox Sedat Dogan, Seyda Mihemedê Zoxbirî û Seyda Ayetullah Aştî yê.

Seke yeno zanayîş Platformê Ziwanê Kurdkî Dîyarbekir de hetê 9 partîyanê Kurdan ra seba pawitiş û averberdişê ziwanê Kurdkî ameyo ronayene.