Platformê Ziwanê Kurdkî, Dîyarbekir de Panelê “Dîn û Ziwan” tertîp kerd.
 

Verfekê Platformê Ziwanê Kurdkî Şerefxan Cizîrî vano; Ma do semedê ziwanê xo aktîvîteyanê xo zêde bike. Ma kenê ke wa şarê ma, sîyaset û heme dezgeyê ma wayîrê ziwanê xo vejîyê.
 

Şerefxan Cizîrî wina va: "Ma waşt bi nê panelî bizane ke mîyanê dînê Îslamî de cayê ziwanan çi yo çi nîyo. Ma musayê ke ziwan eserêkê homayî yo û seba yew merdimî çîyêko zaf muhîm o.”
 

Semedo ke platform hetê 9 partî û rêxistinan ra ameyo ronayene, her partiyê siyasî û Kurdan ra temsîlkarî amê panel.
Endamê Hereketa Azadî û panelîst Ayetûllah Aştî zî va: Her merdim mesûlo ke ziwanê xo ra wayîr vejîyo.  Homa Qurano bimbarek de vano;  Kulturê merdiman rûmetê merdiman o. Senî ke nan û awe semedê leşa merdimî ferz ê, senî ke roje û nimaj seba dînê ma ferz ê, semedê însanan zî ziwan ferz o."

Endamê Platformê Ziwanê Kurdkî wazenê wa her kes bi ziwanê xo qisê biko û şarê Kurd wayîrê ziwanê xo vejîyo