Merkezê Xeberan - Amed de serê sibayî polîsan eşt bînaya Kayapinarî ya Kongreya Komela Demokratîke (KCD), weşanxaneyê J&Jyî û xeylê keyeyan ser.

Sereştişan de Endamê Dîwanê Hemserekîye yê KCDyî Jîyan Taş û Huseyîn Kaya, îdarekaranê Komeleya Cinîyan a Rosa ra Rojda Bariş, Hemşaredara Farqînî Naşîde Topraka a ke wezîfe ra amebî girewtene û hepsê keyeyî de bî, Îdarekara MEBYA-DERî Yıldız Damla, Endama Meclîsê DBPyî Leyla Bagatir, Sendîkaya Kedkaranê Buroyî (BES) ra Suphî Îzol zî mîyan de xeylê kesê bînî ameyî tepiştene.

Polîsanê ke serê sibayî saete 04:00 de eşt bînaya KCDyî ser,  dest rona xeylêk kitaban û tabelayan ser.

Weşanxaneyê J&Jyî de û bînaya KCDyî de cigêrayîşê polîsan dewam keno.