Şoforê meqamê Şaredarîya Dîyadînî Mehmet Hayrî Orûç hetê polîsan ra vernîya binaya beledîya de ame tacîzkerdene. Hemşaredar Evren Demîr û Betul Yaşara ke mudaxeleyê nê halî kerd hetê polîsan ra ameyî kelemçekerdene û derbkerdene.

Polîsan nuqteya kontrolî ya ke vernîya dekewtişê bînaya Şaredarîya Dîyadînî de ronabî de şoforê meqamê şaredarîye Mehmet Hayrî Orûçî  tacîz kerd. Hemşaredar Evren Demîr û Betul Yaşara ke waştê mudaxeleyê nê halî bikerê hetê polîsan ra amê derbkerdene. Hemşaredar Demîr wedarîya nêweşxane.

Polîsan bi copan da serê hemşaredar Demîrî ro, dima ra bi kelemçeyê eksî ê erd ro kerd derg û pê lingan da ey ro. Heto bîn ra bi copan dayî destê hemşaredar Betul Yaşare ro zî. Hemşaredar Evren Demîro ke wedarîya nêweşxane va: “Înan da şoforê ma ro. Ma zî destûr nêda. Înan ma eştî erd û bi kelemçeyê eksî destê ma pey ra girêdayî û da ma ro.”