Polîsan reyna mudaxeleyê nobeta "edaletî" ya Emîne û Ferît Şenyaşarî kerd. Ferît Şenyaşar wedarîya nêweşxane.

Emîne Şenyaşara ke laj û mêrdeyê ci hetê pawitoxanê Wekîlê AK Partîyî Halîl Îbrahîm Yildizî ra kişîyayî lajê xo Ferît Şenyaşarî reyde roja 24. de nobeta edaletî rê dewam kerd. 

Polîsan wextê nobete de mudaxeleyê Emîne Şenyaşar û Ferît Şenyaşarî kerd. Ferît Şenyaşar mudaxele de xo ra şi û wedarîya nêweşxane.

Polîsan Ferît erdî ra kaş kerd, o çax lingê Ferît Şenyaşarî binê wesayîtî de mend û sereyê ci zî derbe girewt. Ferît Şenyaşar krîzê sînîrî derbaz kerd û xo ra şi.

Ferît Şenyaşar pê ambulansî wedarîya Nêweşxaneyê Cigêrayîş û Perwerdeyî yê Mehmet Akîf Înanî. Dayîke Emîne û avûkatî zî şîyî nêweşxane. Dayîke Emîne vat: ''Ma şorê ça bigêrê edaletî? Şima ma ra çita wazenê? Şima çira kiştoxan destbend nêkenê?''

Ferît Şenyaşarî rê nêweşxane de serûm dîyeno. Keyeyî hesabê xo yê medyaya dîjîtale de nqa eşkerayîye daye: ''Polîsan hêrişê dadî û kekê ma kerd û xîret kerd ke înan destbend bikerê. Kekê mi ame derbkerdene û nika nêweşxane de yo. Şima kes edalet biwazo wina cewab danê?''

Silopî de mayin teqa: Şiwaneyêk merd

Silopî de Cemîl Kaçaro ke pêzê xo çarnayêne pay na mayinî ser. Cemîl Kaçarî dinyaya xo bedilnaye.

Dewa Hesena ya qezaya Silopî ya Şirnexî de Cemîl Kaçar (40)o ke pêzê xo çarnayêne pay na mayinî ser. Cemîl Kaçarî dinyaya xo bedilnaye.

Cenazaya Kaçarî seba otopsî şirawîya Nêweşxaneyê Dewlete yê Silopî.