Merkezê Xeberan - Kişyayayîşê George Floydî ra dima Amerîka de têmîyanbîyayîş dewam keno. Her hetê Amerîka de şar meydanan de yo û hukmatê Donald Trumpî protesto keno.

Polîsê Amerîka vera potestogeran de şîdet xebitneno. Polîsanê Amerîka heta nika qasê 10 hezar çalakvanî  tepiştî û berdî nezaretxane.

Gorê çapemenîya Amerîka destpêkê protestoyan ra hetanî nika polîsê Amerîka en kêmî 9 hezar û 300 çalakvanî tepiştî.

Goro ke vajîya en zêde eyaletê Los Angeles û New Yorkî de çalakvanî amê tepiştene û 2 hezar 700 kesî Los Angeles  de û hezar û 500 kesî zî New York de amê tepiştene.

Protestoyê ke kişyayîşê George Floydo ke hetê polîsêk ra amebi kiştene ra dima, eyalet û şaristananê Amerîka de dewam kenê.