Merkezê Xeberan- 12ê teşîrîna verêne yê 2015î de  gama ke Helîne Şena 12 serrî Sûrê Amedî de şîyêne nan girewtêne hetê wesayîtêkê zirxinî yê tipê kobra ra ameybî qetilkerdene.

Roniştişê diyîn ê dewaya ke derheqê polîso qetilkar Abdullah E.yî de ameye akerdene ewro ame kerdene.

Versûç Abdullah E. bi sîstemê SEGBİSî tewrê roniştişî bi. Maya Helîne Nazmîye Şen, avûkatî Rahşane Bataray, Abdullah Zeytun, Mehmet Emin Aktar û serekê Baroyê Amedî Cîhan Aydin de tewrê roniştişî bîyî.

Polîsê qetilkarî bi vatişê vînayîşê kobra baş nîyo coka çew nêzano gird yan zî gij ver bi ti yeno xo pawit.

Maye Naznîye Şen zî vat roja serbûtî pêkewtiş çînêbi û vengê bomba zî nêame. Têna wesayîtê zirxînî ra hîrê rey adir ame akerdene.

Polîso şahîd Erdal K. zî îtîraf kerd ke înan a roje îhbarê pêkewtişî nêgirewt.

Heyetê mehkeme waştişê tepiştişê polîsê qetilkarî red kerd û roniştişo bîn 4ê hezîrane rê peyde eşte.