Li Brîtanyayê vaksînkirinê destpê kir û jineke 90 salî bi navê Margaret Keenan weke yekem kes hat vaksînkirin. 

Li 70 navendan li Brîtanyayê îro proseya vaksînkirina dijî Coronayê destpê kir.

Tenê li Londonê 7 navendên vaksîn li ser welatiyan tê dabeşkirin hene ku yek ji wan Nexweşxaneya St. Thomas a Londonê ye ku dema Serokwezîrê Brîtanyayê bi Coronayê ketibû li wê nexweşxaneyê çareserî werdigirt.

Li gor plana hatiye danîn destpêkê kesên 80 sal û mezintir têne vaksînkirin, herweha tîmên pijîşkî û karmendên kerta tendirustiyê ku di hêla pêşiyê ya Coronayê ne û kesên bi xwebexş daxwaza vaksînê kirine têne vaksînkirin.  

Nexweşxaneyan daxwaz ji welatiyan kirine ku bê norê neyên bo vaksînê werbigrin. 

Ev vaksîna Pfizer û BioANTEK e ku niha 800 hezar doz di destê hikûmetê de ne lê di bingeha xwe de divê 40 milyon doz vaksîn bê bikaranîn