Partîya Welatparêzên Kurdistanê (PWK) bi daxuyaniyek kesên ku li ber Îstasyona Tirênê ya Enqereyê jiyana xwe dest dabûn bibîr anî û qesas û piştgirên qetlîamê rûreş kir.

Daxuyaniya PWKê wiha ye:

Em Qetlîama ku 9 sal berê li ber Îstasyona Tirênê ya Enqereyê hate li dar xistin rûreş dikin

9 sal berê, di roja 10.10.2015ê de, li ber Îstasyona Tirênê ya Enqereyê terorîstekî xwekuj, di nav girseya ku xwepêşandan dikir de bombe teqand û di encamê de 101 mirov hatin qetil kirin, bi sedan kes jî birîndar bibûn.

Em di 9emîn salvegera vê qetlîamê de qesas û piştgirên vê qetlîamê careke din jî rûreş dikin.

Ruhê wan kesên ku hatin qetil kirin şad be, cîhê wan biheşt be.

10.10.2024

Buroya Ragehandinê ya Partîya Welatparêzên Kurdistanê (PWK)