Heqê perwerdeyîya bi ziwanê kurdkî (kurmancî û kirdkî/zazakî) heqêko bingehîn û meşrû yê miletê Kurd 0. Dewleta Tirkîya 100 serrîyo ke heqê perwerdeyîya bi zimanê kurdkî qebûl nêkerda û ziwanê kurdkî sey ziwaneko resmî nêameyo qebûl kerdene. kurdkî Qanûnê Bingehînî û heme qanûnanê Dewleta Tirkîya de hîema zî qedexe ya.

Labelê 12 serrîyo ke Bakurê Kurdistanî û Tirkîya de perwerdeyî de dersa weçînayî yê Kurdkî sey weçînayî ameya dayene.

Bakurê Kurdistanî û Tirkiya de Dersa Weçînayî, yan zî dersa ziwanê kurdkî heme mekteban de semedê wendekaranê sinifa 5,6,7 û 8 heqêk a û nika demê muracatênê heqî mekteban de dest pêkerdo û do heta 12ê Sibatê 2024 dewam biko. Wendekarî gereke heta 12ê Sibatê 2024 dersanê xo biweçînê û no derheq de mektebanê ke tede wanenê agahdar bikê.

Gereke heme keyeyê kurdan qîmet bidê weçînitişê dersa kurdkî. Xebitnayîşê nê heqî sey wazîfeyêko netewî milê heme keyeyanê Kurdan ser o yo.

Domanê (tutê) kurdan sibarojê miletê kurd ê. Her firsendo ke semedê musayîşê ziwanê kurdkî yo, firsendê neqişkerdişê sibarojî yê miletê kurd o.

Ma sey miletê kurd hetêk ra semedê qezenckerdişê heqê perwerdeyîya bi zawanê Kurdkî û resmî kerdişê ziwanê Kurdkî gere ma xebatanê xo dewam bike, la heto bîn ra gereke ma tutanê xo semedê dersa weçînayî ya kurdkî zî qeyd bike.

Dersa weçînayî ya bi ziwanê kurdkî dibistana zarokan re û sinifa yewine ra heta sinifa 12ine bo .

Ma sey Partîya Welatparêzanê Kurdistanî (PWK) venga dadî û baw û keyeyanê Kurdan danê ke semedo ke tutanê xo rê ziwanê dadîya xo bimusnê, semedê înan, mîyanê beşê Ziwan û Zaravayanê Ganîyan de ziwanê kurdkî (kurmancî û kirdkî/zazakî) biweçînê.

04.02.2024

Buroya Çapemenî ya Partîya Welatparêzanê Kurdistanî (PWK)